اسلام آباد۔ 08 نومبر (اے پی پی) بنجائی وزیر اطلاعات و نشریات چوہدری فواد حسین پارینے کہ میڈیا نا اسہ بشخ اس زمواری نا درشانی ءِ کے و ہیڈ لین جوڑ کننگ کن جعلی خبر تا شینک کننگ آن پاناد کے انتئے کہ آسیہ بی بی کیس اسہ حساس ءُ معاملہ اسے۔ پنچ شنبے نادے تینا ٹویٹ اٹی بنجائی وزیر اطلاعات و نشریات چوہدری فواد حسین پارے کہ ہیڈ لین نا خاطر جعلی خبر تا شینک کننگ وطیرہ اس جوڑ مسنے، آسیہ بی بی کیس اسہ حساس ءُ معاملہ اسے، اونا ملک ءِ ہلنگ نا خبر ءِ پک کننگ آن بیدس شینک کننگ بے کچ غیر زمواری اسے۔ اوپارے کہ میڈیا نا اسہ بشخ اسے تون پاوہ کہ او زمواری نا درشانی ءِ کے۔
