اسلام آباد۔ 08 نومبر (اے پی پی) اسپیکر قومی اسمبلی اسد قیصر پاکستان و برطانیہ نا نیام اٹ ہڑتوم آ کنڈآتا تعلقداری تے پین ودفنگ نا گرج آ زور شاغسا پارینے کہ ساڑی آ حکومت پارلیمانی کمکاری ءِ مون آ دننگ نا کمک اٹ غٹ سنگت ملک آتا آزموندہ غاتیان فائدہ ہرفنگ خواہک، پاکستان علاقائی شونداری و ڈیہہ نا شونہالی کن برطانیہ تون اوار غٹ سنگت ملک آتون پارلیمانی رابطہ غاتے مون آ دننگ نا خواہندار ءِ وخت اس کہ برطانوی ہائی کمشنر تھامس ڈریو اسپیکر قومی اسمبلی ءِ باوری ترفے کہ برطانوی حکومت و پارلیمنٹ پاکستانی پارلیمنٹ نا باسک و اسٹاف نا کاریم نا کچ اٹی ودکی، پاکستان نا معاشی و اقتصادی وڑاٹ سوگوی نا بابت ہروڑاٹ تیار ءِ۔ پنچ شنبے نادے برطانوی ہائی کمشنر تھامس ڈریو پارلیمنٹ ہاؤس اٹی قومی اسمبلی اسد قیصر برطانوی ہائی کمشنر تون ہیت وگپ کرسا پارے کہ پاکستان تینا سنگت باسک ملک آتون تینا تعلقداری تے اولیتی بنداو تیا سوگو و محکم جوڑ کننگ خواہک، پاکستان علاقائی شونداری و ڈیہہ نا شونہالی کن غٹ ملک آتون پارلیمانی رابطہ غاتے مون آ دننگ نا خواہندار ءِ۔ اوپارے کہ ہڑتوم آ ملک آتا پارلیمنٹ نا باسک آتا ہن و بر آن پارلیمنٹ نا باسک آک اسہ ایلو نا آزموندہ غاتیان فائدہ ہرفنگ کیرہ۔ پارلیمانی ڈل آتا ہن و بر نا کمک اٹ لائبریری ، ریسرچ، کانود سازی و قائمہ کمیٹی تا نظام کار ءِ پین فعال جوڑ کننگ مریک۔
