اسلام آباد۔ 08 نومبر (اے پی پی) بنجائی وزیر نیشنل ہیلتھ سروسز ، ریگولیشن اینڈ کوآرڈینیشن عامر محمود کیانی تون پاکستان نیشنل ہارٹ ایسوسی ایشن (پناہ( نا صدر میجر جنرل (ر) مسعود الرحمان کیانی نا سرکڑدہ ہی ٹی پناہ نا ڈل اوڑدہی کرے ہراٹی است انا ناجوڑی آن بچفنگ و نیشنل ہیلتھ آگاہی پروگرام نا بابت جتا معاملہ غاتیا خیال آتا درشانی ءِ کننگا۔ سیکرٹری جنرل پناہ ثناء اللہ گھمن نا رداٹ اوڑدہی ٹی پناہ نا ٹیم بنجائی وزیر ءِ پارے کہ پناہ گدرینگوک آ 34سال آن خلقت نا است انا ناجوڑی آن بچفنگ کن آگاہی فراوان کننگ ءِ کہ خلقت ہراوڑ داکبین انگا ناجوڑی آن بچنگ کیک۔ اوپارے کہ صدر پناہ تینا ٹیم اتون اوار صدر مملکت تون ہم اوڑدہی کرے و ہندا تسلسل اٹی اینو نا اوڑدہی ءِ و داکان پد مرحلہ وار صوبائی وزیر جان جوڑی، گورنرز و سیکرٹری تتون اوڑدہی کننگک۔ وزیر جان جوڑی عامر محمود کیانی پناہ ءِ وزارت جان جوڑی نا پورو کمکاری نا یخین دہانی کرفے۔
