الس ءَ را زندمان ءِ بنیاتی آسراتی پُجارینگ ءُُ ایشی ءَ را وتی پاد آنی سر ءَ اوشتگ ءَ کمک کنگ ایشی ءِ راستیں ازمت بیت
اسلام آباد ۔08 نومبر(اے پی پی)صدر مملکت ڈاکٹر عارف علوی ءَ یکوئی ءُُ براتی ءِ واھگ داریں چاگرد ءِ برجائی ءِ واستہ اسلام ءِ راستیں لکا مہتر محمدﷺ ءِ ایمنی ءُُ یکوئی ءُُ ماپ کنگ ءِ زانشت آناں پھمگ ءُُ ایشی ءِ رد ءَ کنگ ءِ ضلورت ءِ سر ءَ زور دات۔ پنچ شمبے ءِ روچ ءَ بہاؤ الدین ذکریا یونیورسٹی ءَ صوفی کانفرنس ءِ بنگیجی سیشن ءَ گشتانک دیان ءَ کت آئی ءَ ملک ءِ ٹوھیں جیڈھ آنی گیواری ایوک ءَ برداشت ءُُ یکوئی ءِ پالیشی ءِ پد ءُُ رند کنگ ءَ چہ گر ءُُ دار بوت کنت۔ صدر ءِ مملکت ءَ دل یکیمی درشان کت کہ استیں حکو مت ملک ءَ چہ گریبی ءِ ھلاسی ءُُ دُرستانیں گس دنت ءُُ وتی سوگند ءَ پیلو کنت۔ پاکستان ءِ الس ءَ را زندمان ءَ بنیاتی ضلورت پُجارین آناں وتی پاد آنی سر ءَ اوشتارینگ ءَ کمک ایشی ءِ استیں ازمت اِنت۔ اے موہ ءِ سر ءَ وزیر ءِ درئی کاری شاہ محمود قریشی ءَ کانفرنس ءَ گوں گشتانک دیان ءَ گوشت کہ نیک راھی زانشت ءِ واستہ مدرسہ آناں ھمگام کنگ ءِ ضلورت ءِ سر ءَ زور پر دیان ءَ گوشت کہ نودربر زندمان ءِ توامیں شوبگ ءِ زانشت ءَ ھیل کت بکن اَنت۔
