مزن وزیر ءِ سروکی ءَ دیوان ءَ بورڈ ءِ جیڈھ آنی سر ءَ سرجمیں بریفنگ ، نوک سر جوڑشت ءِ واستہ ھاسیں ٹاسک فورس ءِ جوڑ کنگ ءِ پیسلہ
اسلام آباد ۔ 7 نومبر (اے پی پی) مزن وزیر عمران خان ءَ ’’متروکہ وقف املاک بورڈ ‘‘ ءَ بوتگیں ٹوھیں ڈنگی ءُُ ھرابیں انتظام ءِ باروا نہ وشی ءِ درشان کنان ءَ ایشی ءِ سرجمیں فرانزک آڈٹ کنگ ءِ حکم داتگ وھدیکہ سیکرٹری نیک راھی کار ءَ را پنت ءُُ شون کنگ بوتگ کہ بُنجاھی کابینہ ءِ دیوان ءَ ’’متروکہ وقف املاک بورڈ‘‘ ءِ توامیں جیڈھ کابینہ ءِ دیم ءَ پیش کنگ بہ بنت۔ مزن وزیر عمران خان ءِ سروکی ءَ دیوان چار شمبے ءَ برجم دارگ بوت۔ مزن وزیر ءَ را اے جیڈھ آنی سر ءَ سرجمیں بریفنگ دیگ بوت۔ دیوان ءَ وزیر برائے نیک راھی کار نورالحق قادری، سیکرٹری نیک راھی کار محمد مشتاق احمد، سیکرٹری ’’متروکہ وقف املاک بورڈ ‘‘ محمد طارق ءُُ کلانہ ایں اپسرگ آں بھر زوری کت۔ دیوان ءَ متروکہ وقف املاک بورڈ ءِ نوک سر گل ءِ جوڑشت ءُُ آیوکیں باندات ءَ ’’متروکہ املاک ‘‘ ءِ جوانیں انتظامی ءُُ ایشی ءِ مڈی آنی شریں جاھ ءَ کار مردم کنگ ءَ را دل یکیمی کنگ ءِ واستہ ھاسیں ٹاسک فورس ءِ جوڑ کنگ ءِ پکوئیں پیسلہ کنگ بوت۔
