اسلام آباد ۔ 7 نومبر (اے پی پی) صدر مملکت عارف علوی ءَ یمن ءَ نہ گیگیں جاور آنی سیاسی گیواری ءِ واستہ زوت سول ءُُ تران کنگ ءِ امیت ءِ درشان کنان ءَ گوشت کہ ایوک ءَ سول ءُُ تران ءَ چہ اے جیڈھ ءِ گیواری بوت کنت، یمن ءِ جیڈھ توامیں پریک آناں گیواری ءِ واستہ اقوام ءِ متحدہ ءِ سلامتی کونسل ءُُ او آئی سی ءِ منوگر آناں سرجمی ءَ منگ لوٹیت۔ آئیءَ اے ھیالانی درشانی پاکستان ءَ یمن ءِ سفیر محمد مطہرالاشابی ءَ گوں گند ءُُ نند کنان ءَ گوشت انت، آئی ءَ صدر مملکت ءَ گوں چار شمبے ءَ گند ءُُ نند کت۔ آئی ءَ صدر ءَ را صدر گچین بوھگ ءِ پد ءَ مبارکی دات ۔ آئی ءَ صدر ءِ مملکت ءَ را یمن ءِ تاجگیں جاور آنی بابت ءَ بریفنگ ھم دات۔ صدر ءَ یمنی ءِ وت مستری، سیاسی آزاتی ءُُ دمگی سالمی ءُُ صدر عبدالرب منصور ہادی ءِ جائزیں ءُُ کانودی حکومت ءِ برجائی ءِ رد ءَ پاکستان ءِ لیکہ ءِ درشان کت۔ آئی ءَ گوشت کہ 10 اپریل 2015 ءَ پارلیمان ءِ منوگری ءِ ھاترا جوانیں ءُُ برجمیں سفارتی کرد ءِ رد ءَ حکومت ءِ دست ءُُ پاد مھکم اَنت۔ صدر ءِ مملکت ءَ اے امیت ءِ درشان کت کہ یمن ءِ جیڈھ ءِ سیاسی گیواری ءِ واستہ سول ءُُ تران آنی بنگیج زوت بہ بیت چیا کہ سول ءُُ تران ءِ وسیلگ ءَ چہ اے جیڈھ ءِ گیواری بوت کنت۔ آئی ءَ یمن ءِ صدر ءُُ مزن وزیر ءَ را پاکستان ءِ تر ءُُ تاب ءِ دعوت ھم دات۔ صدر ءِ مملکت ءَ یمن ءِ الس آنی واستہ میاں اوستمانی برات آنی نیمگ ءَ بنی آدم آنی لگت مالی ءِ رد ءَ دلپدردی آنی توسیپ ءُُ ساڑا کت۔
