اسلام آباد ۔ 7 نومبر (اے پی پی)مزن وزیر عمران خان ءَ گوشت کہ پی ٹی آئی ءِ حکومت گریب ءُُ بزگر ی ءِ ھلاسی ءَ ایوک ءَ مالی کمک ءَ تاں کُٹینگ مہ بیت بلکینگ ءَ ایندگر شوبگ آنی تہ ءَ روزگار ءِ موہ پُجارینان ءَ یک مھکمیں گیواری یے بہ بیت، اسٹنٹڈ گروتھ ءِ جیڈھ ءِ گیواری ءِ واستہ جان سلامتی، وانگ ءُُ زانگ، وردن ءُُ وراک ءُُ ایندگر شوبگ آں گوں سیادی داروکیں شوبگ آنی ضلورت اِنت۔ آئی ءَ اے گپ چار شمبے ءَ گریب آنی ھلاسی ءُُ ایشی ءَ گوں سیادی داروکیں ایندگہ چست ءُ ایر آنی بابت ءَ دیوان ءِ سروکی ءَ کنگ ءَ اَت۔ دیوان ءَ وزیر ءِ ھزانگ اسد عمر، وزیر ءِ منصوبگ بندی ءُُ دیمروئی مخدوم خسرو بختیار، مشیر برائے اسٹیبلشمنٹ محمد شہزاد ارباب، چیئرپرسن بے نظیر انکم سپورٹ پروگرام ڈاکٹر ثانیہ نشتر، ایم ڈی بیت المال عون عباس بپی، این آر ایس پی ءِ سی ای او ڈاکٹر راشد باجوہ، سی ای او پاکستان پاورٹی ایلیوی ایشن فنڈ قاضی عصمت عیسیٰ، سی ای او پاکستان مائیکرو انوسٹمنٹ کمپنی یاسر اشفاق ءُُ ایندگر ٹوھیں کارندہ ھوار اتنت۔ دیوان ءَ گریب آنی سیر لاپ کنگ ءُُ ایندگر گامگیج آنی بابت ءَ مزن وزیر ءَ را بریفنگ دیگ بوت ءُُ اے رد ءَ ٹوھیں گامگیج آنی سر ءَ چار ءُُ بچار کنگ بوت۔ مردم آناں کزبی زانشت ءِ ھیل کاری، روزگار ءِ موہ آنی تہ ءَ گیشی، مالی کمک ءَ تاں رسگ، سستائیں رہائش، چاگردی رکھینگ ءُُ جان سلامتی ، انصاف کارڈ ءِ بابت ءَ سرجمیں بریفنگ دیگ بوت۔