مزن وزیر عمران خان ءَ گوں یمن ءِ سفیر محمد مطاہر الشعبی ءِ گند ءُُ نند
سفیر ءَ مزن وزیر ءَ را آئی ءِ گچین بوھگ ءِ پد ءَ مبارک بات ، دیمروئی دوستیں پاکستان ءِ جوڑیشت ءِ مول ءُُ مراد آنی در جنگ ءِ واستہ آئی ءِ حکومت ءِ کامیات بوھگ ءِ ھاترا نیکیں واھگ پُجارینت اَنت
اسلام آباد ۔ 7 نومبر (اے پی پی)مزن وزیر عمران خان ءَ اقوام ءِ متحدہ سلامتی کونسل ءِ منگ نامہ ءِ رد ءَ یمن ءِ کشاں چیل آناں زوت گیواتی ءِ واستہ پاکستان ءِ ھمبراہ داری کنگ ءِ دل یکیمی کنان ءَ گوشت کہ یمن ءَ دمگی ایمنی ءُُ برجائی آماچ بوھگ ءَ اِنت ایشی ءِ اِچ رنگ ءَ اُردی آسر نیست اِنت۔ آئی ءَ اے گپ یمن ءِ سفیر محمد مطاہر الشعبی ءَ گوں گپ ءُُ تران کنان ءَ گوشت اَنت، آئی ءَ چار شمبے ءِ روچ ءَ مزن وزیر ءِ کارگس ءَ گند ءُُ نند کت۔ سفیر ءَ مزن وزیر ءَ را آئی ءِ گچین بوھگ ءِ پد ءَ یمنی ءِ سروک آنی نیمگ ءَ مبارک بات دات ءُُ دیمروئی ءُُ وشھالیں مول ءُُ مراد آنی در جنگ ءِ وستہ حکومت ءِ کامیاتی آنی واستہ نیکیں واھگ آنی درشان کت اَنت۔ مزن وزیر ءَ اے گپ ءِ سر ءَ زور پر دات کہ توامیں پریک اے گپ ءِ سر ءَ بہ نند اَنت ءُُ گپ ءُُ تران ءِ سر ءَ جیڈھ ءَ را گیوار بکن اَنت۔ آئی ءَ یمن ءَ جنگ ءِ سبب ءَ ھرابیں جاور آنی آماچیں مردم آنی واستہ توامیں آسراتی آناں کارمرد کنگ ءِ سر ءَ زور پر دات۔ مزن وزیر ءَ یمنی اُلس ءِ مشکلہ آنی دور کنگ ءُُ آواناں گس ءَ ساپ ءُُ سالمی ءَ پُجاری ءِ واستہ میاں اوستمانی تک ءَ جھد ءُُ کوشست آنی سر ءَ زور پر دات۔
