اسلام آباد۔ 07 نومبر (اے پی پی) وزیراعظم عمران خان متروکہ وقف املاک بورڈ اٹی بھلو کچ اسے آ بے قاعدگی و مالی بد انتظامی آ سخت گڑتی نا درشانی ءِ کرسا متروکہ وقف املاک بورڈ انا فرانزک آڈٹ کرفنگ نا پرمان کرے وخت اس کہ سیکرٹری مذہبی امور ءِ پارت کننگاکہ آخبت بنجائی کابینہ نا دیوان اٹی متروکہ وقف املاک بورڈ انا غٹ معاملہ غاتے کابینہ نا مون آ پیش کننگے۔ وزیراعظم عمران خان نا کماشی ٹی متروکہ وقف املاک بورڈ انا دیوان اس چارشنبے نادے آ مس۔ وزیراعظم ءِ متروکہ وقف املاک بورڈ انا معاملہ ، متروکہ املاک نا انتظام اٹی مستین اٹی کروک آ مالی و انتظامی بے قاعدگی تیا سرجم احوال تننگا۔ دیوان اٹی وزیر مذہبی امور نور الحق قادری، سیکرٹری مذہبی امور محمد مشتاق احمد، سیکرٹری متروکہ وقف املاک بورڈ محمد طارق و سینئر آفیسر آک ساڑی ئسر۔ دیوان اٹی متروکہ وقف املاک بورڈ انا تنظیم نو و آخبت اٹی متروکہ املاک نا گچین انتظام و اونا میرات آتا مثبت کاریم اٹ اتنگ ءِ المی جوڑ کننگ کن خصوصی ٹاسک فورس اسے نا جوڑ کننگ نا اصولی فیصلہ کننگا۔
