اسلام آباد۔ 07 نومبر (اے پی پی) قومی احتساب بیورو (نیب ) انا چیئرمین جسٹس جاوید اقبال پارینے کہ نیب ملک آن وڈی خوری ءِ ماس آن کشنگ وخسنگ کن پرعزم ءِ ، نیب اکتوبر 2017 ء آن ستمبر 2018 ء ٹی 440 وڈی خوری نا ریفرنس دائر کرینے ہرا کہ نمان سرسہبی اسے، ٹرانسپیرنسی انٹرنیشنل، پلڈاٹ، مشال و جہانی اقتصادی فورم کون آ ادارہ غاک وڈی خوری نا چٹفنگ کن نیب انا کوشست آتا ستاءِ کرینو۔ داخیال آتا درشانی ءِ او نیب ہیڈ کوارٹر اٹی ادارہ نا جم اٹنگا کارکڑد نا بابت جاچ دیوان آن تران کرسا کرے۔ اوپارے کہ وڈی خوری اسہ کینسر اسے، نیب وڈی خوری نا بے پرخ چٹفنگ کن احتساب غٹ انا پالیسی آ عمل کرسا انسداد وڈی خوری نا جامع قومی حکومت عملی اس جوڑ کرینے، نیب ءِ 2017 ء نا داخت انا مقابلہ ٹی 2018 ء ٹی دوگنا غاو ملانے ، دا نیب انا آفیسر آتا سخت خواری و کوشست آتا نتیجہ ءِ انتئے کہ نیب آفیسر آک وڈی خوری نا چٹفنگ ءِ قومی فرض سرپند کرسا اداکننگ ءُ۔ اوپارے کہ نیب ہر وڑنا وڈی خوری آن بے پرخ آہنی دوتے اٹ مون تننگ کن پرعزم ءِ۔ چیئرمین نیب پارے کہ نیب اسلام آباد اٹی پوسکن آ فرانزک سائنس لیبارٹری ءِ کاریم اٹ ایسونے، ہراٹی ڈیجیٹل فرانزک ، سوالیہ دستاویز و فنگر پرنٹ نا جاچ انا آسراتی ساڑی ءِ ہراڑآن انکوائری و انویسٹی گیشن نا جاست وپاست نا معیار اٹی پین گچینی بریک۔
