اسلام آباد۔ 07 نومبر (اے پی پی) مولانا عبدالاکبر چترالی نا سوج انا ورندی ٹی وزیر مذہبی امور ڈاکٹر نور الحق قادری پارینے کہ وزارت مذہبی امور و بین المذاہب ہم آہنگی امر بالمعروف و نہی عن المنکر نا بابت مذہبی اسکول و دانش ور آتا خیال آتیان آگاہی نا بناءِ کرینے۔ دابابت آن اسہ کانفرنس اس اڈ تننگک و ہراتم کہ گرج محسوس مس وزارت دا چرجوئی ٹی کانود سازی کیک۔ اوپارے کہ بین المذاہب ہم آہنگی وخت انا اہم گرج اسے۔ ریاست مدینہ ٹی جتا مذہب آتا خلقت پرامن وڑاٹ رہینگوک ئسر ، نن ہم خوانہ کہ ریاست مدینہ نا تقلید نا وڑاٹ غٹ مذہب آتا خلقت پرامن وڑاٹ داڑے رہینگر۔ خار انگیز مواد آتا اشاعت نا توننگ نا بابت ڈاکٹر رمیش کمار وینکوانی نا سوج انا ورندی ٹی وزیر مذہبی امور پارے کہ خار انگیز مواد آتا اشاعت ءِ توننگ کن ایلو ادارہ غاتون اوار اوار مذہبی امور تینا کڑد ءِ ادا کننگءِ۔ کلہو پاکستان اٹی اہم دستاویز نا اشاعت غٹ انا مون آٹی ءِ۔ مولانا عبدالاکبر چترالی نا ضمنی سوج انا ورندی ٹی اوپارے کہ ضیاء الحق دور انا اسلامائزیشن مسلمان تے تفرقہ ٹی بٹینے ، نن اونا مخ تفی ءِ کننگ کپنہ۔
