اسلام آباد۔ 07نومبر (اے پی پی) بنجائی حکومت عید میلادالنبی نا بابر کت موقع غا رحمت اللعالمین کانفرنس اس اڈتننگ نا فیصلہ کرینے و داچرجوئی ٹی آرگنائزنگ کمیٹی اس ٹہیفنگانے۔ دافیصلہ ءِ وزیراعظم عمران خان تون بنجائی وزیر اطلاعات چوہدری فواد حسین نا چارشنبے نادے وزیراعظم آفس اٹی مروک آ اوڑدہی ٹی کننگا۔ اوڑدہی ٹی عید میلا دالنبی شایان شان وڑاٹ اڈتننگ نا بابت ہیت وگپ مس۔ رحمت اللعالمین کانفرنس نا اڈتننگ کن بنجائی وزیر مذہبی امور نور الحق قادری نا سرکڑدہ ہی ٹی آرگنائزنگ کمیٹی اس ٹہیفنگانے ہرا وزیراطلاعات چوہدری فواد حسین ، وزیر مذہبی امور نور الحق قادری، وزیر مملکت علی محمد خان، وزیراعظم نا خصوصی کمکار افتخار درانی ، سینیٹر فیصل جاوید، ڈاکٹر بابر اعوان ، اعجاز چوہدری و ڈاکٹر عامر لیاقت آ تالان مریک۔
