اسلا م آباد۔6نومبر(اے پی پی) راجی سلامتی کمیٹی ءَ اے گپءِ درشانی کتگ کہ کانود ءِ منگءَ پاکستان دیمروئی ءُ وشھالی ، امنءُ ایمن بیت۔ راجی سلامتی کمیٹی ءِ دیوان سے شمبے ءِ روچءَ مزن وزیر عمران خان ءِ سروکی ءَ مزن وزیر کارگسءَ بوتگ۔ مزن وزیر کارگسءِ نیمگءَ چہ جاری بیانءِ ردءَ دیوانءَ ملکی سلامتی ءِ سرءَ باستءُ واست کنگ بوتگ۔ دیوانءَ دری کارانی وزیر شاہ محمود قریشی، دیمپانی ءِ وزیر پرویز خٹک، حزانگءِ وزیر اسد عمر، حالءُ اھیوال کاری ءُ شنگاری ءِ وزیر چوہدری فواد حسین، تہی کارانی وزیر وزیر شہریار خان آفریدی، چیفس آف سٹاف کمیٹی جنرل زبیر محمود حیات، چیف آف آرمی سٹاف جنرل قمر جاوید باجوہ ءُ سینئر حکام ہوار بوتگ۔ مزن وزیرءَ دیوانءَ ہوار باسکاناں وتی چینءِ تر ءُ تابءِ ہوالگءَ سرپد کتگ۔
