سینیٹءِ جوڑ کتگیں حال ءُ کاریءُ شنگکاری ءِ کمیٹی ءِ چیئرمین سینیٹر فیصل جاوید ءِ مزن گسءَ ڈنءَ ’’اے پی پی‘‘ءَ گوں ہاسیں گپءُ تران

مزن وزیر عمران خان ءِ چینءِ ترءُ تاب سوبمند بوتگ، پاکستان ءَ زرکاری گیش بوہان اِنت، منی لانڈرنگ ءُ کرپشن ءِ ہلاس کنگءَ معیشت ءَ مھکم کنگءَ کمک رسیت
اسلام آباد۔6نومبر(اے پی سینیٹءِ جوڑ کتگیں حال ءُ کاریءُ شنگکاری ءِ کمیٹی ءِ چیئرمین سینیٹر فیصل جاوید ءَ گشتگ کہ مزن وزیرءِ چینءِ ترءُ تاب سوبمند بوتگ ، پاکستانءَ گیش زرکاری پیداک ایں، منی لانڈرنگ ءُ کرپشن ءِ ہلاسی ءَ چہ ملکی معیشت ءَ را مھکم بوہگءَ کمک رسیت۔ سے شمبے ءِ روچءَ مزن گسءِ ڈنءَ ’’اے پی پی‘‘ ءَ گوں ہاسیں گپءُ تران کنانءَ آئیءَ گشتگ کہ مزن وزیر عمران خان ءِ چینءِ ترءُ تا ب سوبمند بوتگ ۔ چین مئے نامیرانیں دوست ایں ءُ آئیءَ ہمک گرانیں ساہتءَ پاکستانءَ گوں ہمراہ داری کتگ۔ آئیءَ گشتگ کہ مزن وزیر عمران خان ءِ چینءِ ترءُ تاب سوبمند بوتگ، بازیں منءُ گرانی سرءَ دستخط کنگ بوتگ، ایشی ءَ چہ پاکستانءَ زرکاری گیش بیت ، سی پیک منصوبہ ءَ را گیش پراہ ءُ شاہئگانی رسیت۔ پاکستانی ورناہ آں روزگار رسیت ءُ نیزگاری ہلاس بیت۔ آئیءَ گشتگ کہ جاورھال شری ءِ نیمگءَ رہادگ اَں، پاکستان ءَ زرکاری گیش بوہگءَ چہ ملکی معیشت مھکم بیت۔