مزن وزیر عمران خان ءِ چینءِ ترءُ تاب ءَ چہ ڈنی ملکی زرکاری گیش کنگءَ کمک رسیت، ملکی معیشت مھکم بیت ،پارلیمانی سیکرٹری برائے ہاؤسنگ اینڈ ورکس تاشفین صفدرءِ مزن گسءِ ڈنءَ ’’ اے پی پی‘‘ ءَ گوں گپءُ تران

اسلام آباد۔06نومبر(اے پی پی) پارلیمانی سیکرٹری برائے ہاؤسنگ اینڈ ورکس تاشفین صفدرءَ گشتگ کہ مزن وزیر عمران خان ءِ چین ءِ ترءُ تاب ءَ چہ ڈنی ملکی زرکاری گیش کنگءَ کمک رسیت وہدے کہ ملکی معیشت مھکم بیت۔ سے شمبے ءِ روچءَ مزن گسءِ ڈنءَ ’’اے پی پی‘‘ ءَ گوں گپ ءُ تران کنانءَ آئی ءَ گشتگ کہ مزن وزیر عمران خان ءِ چین ءِ ترءُ تاب سوبمند بوتگ۔ مزن وزیر عمران خان ءِ شخصیت مردماں دوست بیتءُ آئیءَ را میاں اوستمانی تک ءَ سک باز نامداری رسگءَ ایں، ایشی ءَ چہ کلدارءِ ارزشت مھکم بیت، ڈالرءِ زور کم بیت۔ آئیءَ گشتگ کہ چین مزنیں مارکیٹ اِت، پاکستانی مصنوعات ءِ برآمدات گیش بیت، ملک ءَ صنعت یک رندے پدا کار کن اَنت۔آئیءَ گشتگ کہ روزگارءِ نوکیں موہ ودی بنت ءُ اُلس وشھال بیت۔ آئیءَ گشتگ کہ مزن وزیر عمران خان ءِ چینءِ ترءُ تاب ءَ بازیں منءُ گرانی سرءَ دستخط کنگ بوتگ کہ ایشیءَ چہ ملکی معیشت ءِ سرءَ جوانیں اثربیت۔