عمران خان ءِ چین ءِ ترءُ تاب باز جوان بوتگ، سرجمیں راج مراد بات ءِ حک دار ایں
اسلام آباد۔6 نومبر(اے پی پی ) پاکستان تحریک انصاف ءِ راجی اسمبلی ءَ چیف وہپ عامر ڈوگر ءَ گشتگ کہ عمران خانءِ چینءِ ترءُ تاب باز جوان بوتگ ءُ پاکستانءِ 70سالی راج دپتر ءَ پچ کنگءُ چارگ بہ بیت اے ترءُ تاب چہ درساں جوان تریں ترءُ تابے بوتگ، انوگیں حکومت ءَ دھرنہ ءِ وہدءَ جوانیں کرد پیلو کتگ ءُ سے روچاں دھرنہ ہلاس کتگ، دھرنہ ءِ وہدءَ کہ مردماں ملکی مالءُ مڈی ءَ تاوان داتگ ءُ ناشرکاری کتگ آہانی حلاپءَ ترندیں گامگیج کنگ بیت، کسءَ را موکل دیئگ نہ بیت کہ آ ریاست ءِ رٹءَ را چیلنج بہ کنت۔ آ سے شمبے ءِ روچءَ مزن گسءِ ڈنءَ حال درءَ گوں گپءُ تران کنگءَ بوتگ۔ عامر ڈوگر ءَ گشتگ کہ آصف زرداری ءَ اے ملک ءَ ارباں کلدارءِ منی لانڈرنگ کتگ ءُ نو حساب دیئگءِ وہد اَتکگ۔ فالودہ والا ءِ اکاؤنٹءَ چہ ارباں کلدار دراَہگ ءَ اَنت۔ آصف زرداری سرپد بہ بیت کہ این آر او رسگءِ زمانگ گوستگ اَنت۔ آئی ءَ دھرنہ ءِ ہوالگءَ گشتگ کہ انوگیں حکومتءَ سے روچاں امنءُ ایمنی ءَ گوں دھرنہ ہلاس کتگ۔ بلے ناشرکارءُ شدت دوستاں پھیل کنگ نہ بیت۔ ہرکسءَ کہ دھرنہ ءِ وہدءَ ملکی مال ءُ مڈی تاوان داتگ آہانی حلاپءَ ترندیں گامگیج چست کنگ بیت۔
