اسلام آباد۔ 6نومبر(اے پی پی ) سینیٹءِ چیئرمین ءِ سروکی ءَ ہاؤس بزنس ایڈوائزری کمیٹی ءِ دیوان سے شمبے ءِ روچءَ مزن گسءَ بوتگ۔ دیوانءَ سرجمیں مزن گسی گلانی رھشون ہوار بوتگ اَنت۔ سینیٹ ءِ دیوان تاں سے روچاں برجاہ دارگءِ فیصلہ کنگ بوتگ۔ دیوان ءَ گوازوکیں دیوانءِ ایجنڈاءَ را گڑی دروشم دیئگ بوتگ ءُ فیصلہ کنگ بوتگ کہ دیوان تاں سے روچاں برجاہ بیت کہ دھرنہ ءَ چہ ودی بوتگیں جاورھال، وامانی جاورحال ، یمن ءَ امنءُ ایمنی جوڑ کنگءَ ثالثی کردءِ پالیسی ءُ گیس ءُ بجلی ءِ نیاداں گیش کنگءَ ہوار ہاسیں ملکی ءُ درملکی کارانی سرءَ باستءُ واست کنگ بیت۔
