اسلام آباد۔6نومبر(اے پی پی) پاکستان پیپلز پارٹی ءِ سینیٹر رحمن ملک ءَ گشتگ کہحکومت دھرنہ ءِ وہدءَ لٹءُ کُٹءُ پروشتءُ پروش کنوکانی حلاپءَ کاروائی بہ کنت۔ آ سے شمبے ءِ روچءَ مزن گس ءِ ڈنءَ حال درءَ گوں گپءُ تران کنگءَ بوتگ۔ رحمن ملک ءَ گشتگ کہ حکومتی باسکانی نیمگءَ چہ گشگ بوتگ کہ مزن وزیر عمران خان ءِ چینءِ ترءُ تاب باز جوان بوتگ ءُ مزنیں پکیج دست کپتگ اے مزن گسءَ را سرپد کنگ بہ بیت آئیءَ گشتگ کہ دھرنہ ءِ وہدءَ ملکی مالءُ مڈی ءَ را تاوان دیئگ بوتگ آہانی حلاپ ءَ ریاست کاروائی بہ کنت۔ اگاں حکومت ءَ اے جیڑہ ءَ را اولی پدءَ گیشءُ گیوار بہ کُت ایں اے اینچو گیش نہ بوتگ اَت۔ نوں حکومت اے مردمانی حلاپءَ چارءُ بچار کنگءَ پد کاروائی بہ تنکہ جنگ ءُ جدل چست مہ بیت۔
