لاہور۔5نومبر(اے پی پی )بُنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ مزن وزیر ءِ کامیاتیں چین ءِ تر ءُُ تاب ءِ سبب ءَ دیمروئی ءُُ وشھالی ءِ نوکیں کشک پچ بوتگ، (ن) لیگ ءِ سبب ءَ چین ءَ ھوار ایندگہ ملک آنی گوما یکوئی آنی آماچ بوھگ ءِ گپ رد اِنت، چین ءِ گوما سپیس پروگرام ءِ چیر دستی ءَ 2022ءَ اولی پاکستانی آزمانی بالیگ آزمان روان دیگ بیت، استیں وھد ءَ ماڑی ءُُ مردم آناں تاوان دیوکیں ناشرکار آنی پجاروکی ڈیڈ لائن دیگ بوتگ، اپوزیشن ءَ انوگیں وھد ءِ جاک ءُُ کوکار ءِ وھد ءَ سیاسی مزنی ءِ درشان کتگ، حکومت ءَ را سپورٹ کنان ءَ اے سہرا کتگ کہ پاکستانی یک مشت اَنت، جاک کنوک آنی گوما سول ءُُ تران کنوکیں ٹیمب ءَ جوانیں بلدکاری ءَ گوں جاک ءِ جیڈھ چھماں چیل کت، میڈیا ءَ را داتگیں اشتہار آنی تہءَ حکومتی وام داری ءَ را ھلاس کنگ ءِ بازیں گامگیج چست کتگ۔ دو شمبے ءَ پریس انفارمیشن ڈیپارٹمنٹ لاہور ءَ پریس کانفرنس ءِ ساھت ءَ بُنجاھی وزیر ءَ گوشت کہ مزن وزیر ءِ چین ءِ کامیاتیں تر ءُُ تاب ءَ چہ پڑ ءَ دیمروئی ءُُ وشھالی ءِ نوکیں دور ءُُ باریگ ودی بیت، سعودی عرب ءِ تر ءُُ تاب ءِ وڑ ءَ مزن وزیر ءِ تر ءُُ تاب کامیات بوتگ، اے تر ءُُ تاب ءِ ساھت ءَ پاکستان ءُُ چین ءِ نیما ءَ سٹریٹجک یکوئی آنی سر ءَ راجدپتری منوگری آنی سر ءَ دست چنگل جنگ بوت۔ آئی ءَ گوشت کہ چین ءِ نیمگ ءَ رستگیں اکنامک پیکج ءِ پد ءَ مزن وزیر ءِ واپسی ءَ پد وزیر ءِ ھزانگ اسد عمر ءُُ وزیر پلاننگ خسرو بختیار سرجمیں ھال آنی باروا تران کن اَنت، آئی ءَ گوشت کہ پاکستان ءَ چین ءِ گوما سٹریٹجک یکوئی ارزشت کرز اَنت، مئے چین ءِ گوما سپیس پروگرام ھم دیم ءَ جنزگ ءَ اِنت ایشی ءِ وسیلگ ءَ 2022ءَ اولی پاکستانی آزمان ءَ روان دیگ بیت۔ ( ن) لیگی سروک مریم اورنگزیب ءِ بیان ءِ پد ءَ بُنجاھی وزیر ءَ گوشت کہ پاکستان ءُُ چین ءِ نیام ءَ یکوئی لستیں مردم بزاں پرسنالٹی آنی سبب ءَ نہ اَنت، (ن) لیگ ءِ سبب ءَ یکوئی اِچبر آماچ نہ بنت بلکینگ ءَ چین ءِ گوما یکوئی (ن) لیگ ءِ دور ءُُ باریگ ءَ چہ گیشتر شرتر بنت۔
