اسلام آباد۔ 05نومبر (اے پی پی) پارلیمانی سیکرٹری پلاننگ، ڈویلپمنٹ اینڈ ریفارمز کنول شوذب پارینے کہ معاشی تنکی میرات اٹی ملا، سعودی عرب و چین نا کنڈآن پاکستان نا معاشی تنکی ٹی کمک آن پد پاکستان نا داسہ آئی ایم ایف آ سیبو کم مریک۔ زرکاری ، ایکسپورٹس ءِ ودفنگ نا کوشست کننگ اُن، کاروباری بندغ آتون ہیت کننگ اُن ، و زوت کاریم نا نتیجہ نظر بریک۔ ’’اے پی پی‘‘ تون خصوصی ہیت وگپ کرسا اوپارے کہ ننا حکومت وسیلہ غاتے سجفسا کاریم اٹ اتنگ نا کوشست کننگ ءِ، گیس انا بشخ اٹی اخہ در ویل آک ءُ دا مسلم لیگ (ن) نا آزموندہ کار حکومت نا سوب آن ءُ، 67 درسد خلقت اینو ایل پی جی ءِ کاریم اٹ اتنگ ءُ ہراڑآ نن خراج ءِ 30 درسد آن کم کرسا 10درسد کرینن تانکہ لس خلقت ءِ ریلیف ملے، سلنڈر نا نہاد 1700 آن کم کرسا 1450 کرینن۔ اوپارے کہ ننا حکومت بننگ نا چار دے آن پد ہی نیپرا نہاد آتے ٹی ودکی نا سمری ءِ گدریفے، دا ہمو ادارہ ءِ ہرا ننا جوڑکروک اُس اف، نن کوشست کننگ اُن و نظام ءِ گچین کینہ۔ اوپارے کہ مسلم لیگ (ن) پروپیگنڈا بھاز جوان کیک ، اخس کہ ملکی ویل آک ءُ دا ننا 60 دے انا حکومت ناودی کروک ءُ افس، مستین نا حکومت آک دروغ اناحساب وکتاب پیش کرسا کریر۔ اوپارے کہ اسحاق ڈار گورنر اسٹیٹ بینک ءِ پرمان جاری کریسس کہ بے شک اخس کہ ہم پیسہ پیش تمے نمے ڈالر ءِ مصنوعی وڑاٹ مون ءِ تروئی ءِ، گدرینگوک آ بجٹ اٹی اوفک غٹ آن زیات دروغ تڑیر۔ اوپارے کہ جا ن جوڑی و تعلیم نا بشخ انا پیسہ غاتے میٹرو آشاغار۔ اوپارے کہ وخت اتون خلقت ہم دا پہہ مریک کہ بیرہ وزیراعلیٰ آخا بلکن اونا کابینہ ہم کاریم کننگ ءِ، زرکاری ، ایکسپورٹس ءِ ودفنگ نا کوشست کننگ اُن، کاروباری بندغ آتون ہیت کننگ اُن، و زوت کاریم نا نتیجہ نظر بریک۔
