اسلام آباد۔ 05نومبر(اے پی پی) پارلیمانی سیکرٹری ریلوے فرخ حبیب پارینے کہ وزیراعظم عمران خان نا چین نا دورہ ءِ بھاز است بڈی ملانے، چین اتون 15معاہدہ غاتیا دستخط مسنے، ہڑتوم آ ملک آتا نیام اٹ واپار یوآن اٹی مریک۔ دوشنبے نادے پارلیمنٹ ہاؤس نا پیشن میڈیا تون ہیت وگپ کرسا اوپارے کہ وزیراعظم عمران خان نا چین نا دورہ ءِ جہانی کہول آ بھاز است بڈی ملانے۔ پاکستان و چین نا نیام اٹ 15معاہدہ غاتیا دستخط مسنے وخت اس کہ اولیکو وار ہڑتوم آ ملک آتا نیام اٹ ڈالر نا مناپلی ءِ کم کننگ کن علاقائی کرنسی ٹی واپار نا بنامننگ ءِ، دافیصلہ غان ڈالر نازور کم مریک و پاکستان اٹی پین گچینی بریک ۔ اوپارے کہ وزیراعظم نا چین نا دورہ ٹی چندی کمپنی تا سروک آتون اوڑدہی ٹی فیصلہ مسنے کہ کمپنیک پاکستان اٹی چندی بشخ آتے ٹی زرکاری کیرہ۔
