اسلام آباد۔5نومبر(اے پی پی)لھس گچین کاری 2018ءَ لُچی ءُ ٹگی ءِ جستءُ پرسءَ جوڑ کتگیں مزن گسی کمیٹی ءِ اولی دیوان سے شمبے ءِ روچءَ بیت کہ کمیٹی ءِ چیئرمین گچین کنگ بیت، ایشی ءَ پد کمیٹی لُچی ٹگی ءِ جستءُ پُرسءُ کنگءَ ٹی او آرز ٹھینیت ءُ وتی کارءَ بندات کنت۔ پنچ شمبےءِ روچءَ راجی اسمبلی سیکرٹری ءِ جارچین ءِ گشگءِ ردءَ لھس گچین کاری 2018ءَ پہ لُچی ٹگی ءِ جستءُ پُرس کنگءَ جوڑ کتگیں مز ن گسی کمیٹیءِ اولی دیوان سے شمبےءِ روچءَ 3بجءَ مزن گسءَ بیت۔ مزن گسی کمیٹی ءِ اولی دیوان ءَ چیئرمین گچین کنگ بیت۔ حکومت اولی پیسرءَ دیمپانی وزیر پرویز خٹک ءَ را مزن گسی کمیٹی ءِ چیئرمین نامینگ بوتگ۔ زانگ بہ بیت کہ مزن گسی کمیٹی ءِ جوڑ کنگءِ وہدءَ حکومتءُ اپوزیشن ءَ تپاک کتگ کہ کمیٹیءِ چیئرمین ءَ مزن وزیر عمران خان جوڑ کنت۔ 32باسکی مزن گسی کمیٹی ءَ راجی اسمبلی ءُ سینیٹ ءِ باسک ہوار اَنت۔ 32باسکی مزن گسی کمیٹی ءَ حکومت ءُ اپوزیشن یکجاہ ہوار اَنت۔
