اسلام آباد۔ 5 نومبر (اے پی پی) مزن وزیر ءِ مشیر برائے موسمی مٹ ءُُ بدلی ملک امین اسلم ءَ گوشت کہ لڈ ءُُ بار کنوک ءُُ آیوکیں بالی مرگ آنی نسل آناں رکھینگ ءِ واستہ پاکستان شریکدار ءِ بستار ءَ وتی کرد ءَ پیلو کنت اِنت، متحدہ عرب امارات ءِ حکومت ءَ اے بابت ءَ سک باز کار کتگ۔ آ ابو ظہبی ءَ انٹرنیشنل فنڈ فار ہوبار اکنز رویشن ءِ چیر دستیں ’’حکومتی گامگیج ءِ وسیلگ ءَ رکھینگ‘‘ ءِ سر ھال ءِ سر ءَ برجم داشتگیں کانفرنس ءَ گشتانک کنگ ءَ ات۔ کانفرنس ءِ بنگیج ابوظہبی ءِ وزیر موسمی مٹ ءُُ بدلی ڈاکٹر ثانی بن احمد ءَ کت۔ کانفرنس ءَ 17ملک ءَ بگر تاں 70ءَ چہ گیش ’’مندوبین‘‘ ساڑی اتنت۔ اے موہ ءِ سر ءَ گشتانکار آں بالی مرگ ’’چرز‘‘ ءِ رکھینگ ءُُ اے بابت ءَ توامیں جیڈھ آناں سہرا کت۔ ملک امین اسلم ءَ گوشت کہ مرچی ما ادا چرز ءِ رکھینگ ءِ ھوالگ ءَ کامیاتی آنان سہرا کنگ ءَ آں ایشاناں سرجمیں پڑ ءُُ دُگنیا ءِ تہ ءَ شاھیگانی دیگ ءِ ضلورت اِنت۔
