اسلام آباد۔ 05نومبر (اے پی پی) وزیراعظم عمران خان پارینے کہ اسہ سڑک اسہ ڈیہہ نا وژن نا بشخ مرسا چین پاکستان اقتصادی راہداری ڈٹ(سی پیک) ہڑتوم آ ملک آتون اوار اوار دے ٹکی نیامی و نیامی ایشیا نا ملک آتا نیام اٹ اقتصادی رابطہ غاتے ٹی ودکی نا بھلو ذریعہ اس جوڑ مریک و داڑآن اسیجا مسخت آتا رکھ ءِ المی جوڑ کننگ اٹ کمک رسینگک۔ دوشنبے نادے شنگھائی نا نیشنل ایگزیبیشن اینڈ کنونشن سینٹر اٹی چائنہ انٹرنیشنل امپورٹ ایکسپو (سی آئی آئی ای) نا بنائی دود آن تران کرسا وزیراعظم عمران خان پارے کہ پاکستان گوازی تا گڑا، طبی ازباب و آئی ٹی مصنوعات آتا اسہ بھلو برآمد کروک ءُ سے۔۔ اوپارے کہ پاکستان اٹی 35سال آن کم وئی نا 100 ملین ورناتیا تالان افرادی قوت ملک انا اسہ بھلو واک اسے وپاکستان درملکی زرکار آتے کن پرکشش ءُ ملک اسے۔
