کراچی۔ 4 نومبر (اے پی پی)بنجاہی وزیر ھالرسانی ءُُ شنگکاری چوہدری فواد حسین ءَ گورنر سندھ عمران اسماعیل ءِ گوما یک شمبے ءَ گورنر ہاوس ءِ تہ گند ءُُ نند کتگ،گند ءُُ نند ءِ تہ زرکاری ءِ سازگار ماحول،بنجاہی حکومت ءِ دیمروئی منصوبگءُُ دگہ امورءِ سرا ھیال ریچی کنگ بوتگ۔ فواد چوہدریءَ گوشت کہ بنجاہی حکومت سرجمیں ملک ءِ یکساں دیمروئی ءِ وژن ءَ گامزن انت۔آہاں گیش گوشت کہ مزن وزیر عمران خان ءِ نوکیں پاکستان ءِ واب سرجم بنت۔اے درگتءَ گورنر سندھ ءَ گوشت کہ کراچی ملک ءِ معاشی حب انت،بنجاہی حکومت ءِ دیمروئی منصوبگاں چہ شہر ءِ انفرااسٹرکچر گہتر بیت۔گورنر سندھ ءَ گوشت کہ امن ءُُ ایمنی ءِ جاورھال ءِ تہ گہتری ءِ پدا ادا زرکاری ءِ ھاترا ماحول شر انت۔
