کراچی۔ 4 نومبر (اے پی پی) بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ عمران خان ءِ سروکی ءَ ملک ءِ تہ مڈل ءُُ جہلی طبقہ ءِ آشوب اتکگ انت،کراچی ءِ ملکی سیاست ءِ تہ ھاسیں کردانت۔اے ھیالانی درشان آہاں یک شمبے ءَ گورنر ہاوس کراچی ءِ تہ پاکستان تحریک انصاف ءِ قومی ءُُ صوبائی اسمبلی ءِ باسکاں ءُُ دگہ اگدھدارانی دیوان ءَ گوں تران کنان ءَ کتگ ات۔اے درگت ءَ ڈپٹی اسپیکر قومی اسمبلی قاسم سوری،بنجاہی وزیر میاں محمد سومرو، صوبائی صدر امیر بخش بھٹو ، ممبر صوبائی اسمبلی حلیم عادل شیخ ، اپوزیشن لیڈر سندھ اسمبلی فردوس شمیم نقوی، کراچی ڈویزن ءِ صدر خرم شیر زمان ءُُ دگہ ھم ساڑی ات۔ فواد چوہدریءَ گوشت کہ الیکشن عمران خان ءِ نظریہ چہ کٹگ بیت۔آہاں گوشت کہ مزن وزیر ہاوس ءِ تہ شکاست سیل جوڈ کنگ بوتگ ءُُ گورنر سندھ ءَ را گوشگ انت کہ آں ھم گورنر ہاو سءِ تہ اُلسی شکاست سیل ءِ جوڈ کن انت۔آہاں گوشت کہ بے نظیر انکم سپورٹ پروگرام ءِ ردا ہمک صوبائی ءُُ بنجاہی اسمبلی ءِ باسکان200مردمانی لسٹ ءَ دنت اے لسٹءَ را مراگش ءِ تہ ھوار کنگ بیت۔
