بیجنگ۔04 نومبر(اے پی پی)پاکستان ءُُ چین ءِ ہر وڈیں جاورھال ءِ تہ برجاھیں سٹرٹیجک کمک ءَ ھوار شراکت داری ءِ گہبودی چہ پاکستان ءُُ چین ءِ مہلوک ءَ گیش نزیک آرگ ءُُ دیمروئی ءِ نوکیں دور ءِ تہ پترگ ءِ ھاترا یکجاھیں منصوبگ ساچی ءِ تہ کمک رسیت۔چین ءِ مزن وزیر لی کیانگ ءِ دعوت ءِ سرا مزن وزیر عمران خان 2تا5نومبر 2018ءَ چینءِ تروتاب کنگ ات ،تروتاب ءِ ساعت ءَ مزن وزیر عمران خان ءَ چین ءِ صدر شی جن پنگ،مزن وزیر لی کیانگ،نیشنل پیپلز کانگریسءِ قائمہ کمیٹی ءِ چیئرمین لی ڑن شو ءُُ چین نائب صدر وانگ کی شان ءِ گوما گند ءُُ نند کتگ ات۔گند ءُُ نند ءِ تہ روایتی گرم جوشی،وت مہ وتی اعتماد ءِ درشان کنگ بوتگ ءُُ دوئیں ملکانی سروکاں وت مہ وتی اندوہناکی ءِ دودیمی امور،دمگی ءُُ میاں اوستمانی جیڈھ ءَ سرجمی ھیال ریچی کتگ۔مزن وزیر عمران خان ءَ سی پی سی سنٹرل کمیٹی ءِ سکول ءِ یک مراگش ءَ گوں تران ھم کتگ ، بیجنگ ءِ گوما مزن وزیر عمران خان ءَ شنگھائی ءِ تروتاب کتگ اُودا آہاں اولی چائنہ انٹرنیشنل امپورٹ ایکسپو ءِ تہ بہر زوراتگ۔پاک چین راج دپتری سیادی ءِ دیمروئی ءِ سرا تسلہ ءِ درشان کنان ءَ ایشانی تہ گیش پراھی ءُُ گہبودی ءِ جائزگ ھم گپتگ۔تروتاب ءِ ساعت ءَ فریق ءَ پاک چین دوستی ءَ را ہر وھد ءَ قائم بوھگ،ھندی،دمگی ءُُ میاں اوستمانی بدلیانی ابید مھکم دارگ ءِ جزم ءِ درشان کتگ۔
