صدر مملکت عارف علوی ءِ جامع کراچی ءِ انٹرنیشنل سنٹر برائے کیمیکل ءُُ بیالوجیکل سائنسز ءَ آیوکیں باندات ءِ واستہ ھُدا وندی چیز آنی سرھال ءِ سر ءَ دومی میاں اوستمانی سمپوزیم ءِ بنگیجی گشتانک

کراچی۔ 04 نومبر (اے پی پی)صدر مملکت ڈاکٹر عارف علوی ءَ گوشت کہ زوت پاکستان ءِ پٹ ءُُ پولی شوبگ ءَ اولی لڑ ءِ ملک آنی نکشہ ءِ تہ ءَ ھوار بیت، بنی آدم آنی واستہ، وردن ءُُ وراک ءُُ ایندگہ شوبگ آنی تہ ءَ ھندی تک ءَ پٹ ءُُ پول ءِ ضلورت اِنت، سلئیں نادُراھی آنی مھنگائیں الاج ءَ چہ رکھینگ ءِ واستہ پٹ ءُُ پول ءُُ اے شوبگ ءَ ضلوری ایں گامگیج چست کنگ ءِ ضلورت اِنت۔ شمبے ءِ روچ ءَ کراچی ءِ انٹرنیشنل سینٹر برائے کمیکل ءُُ بیالوجیکل سائنسز ءَ آیوکیں باندات ءِ واستہ کدارتی چیز آنی سرھال ءِ بابت ءَ میاں اوستمانی سپبوزیم ءِ بنگیجی مراگش ءَ گشتانک دیگ ءَ ات۔ آئی ءَ گوشت کہ وانگ ءُُ زانگ ءِ مول ءُُ مراد ءُُ آسراتی ءِ تہ ءَ گیشی لوٹ ایت۔ ڈاکٹر عارف علوی ءَ گوشت کہ ایوک ءَ کراچی یونیورسٹی ءَ یک شوبگے ءِ تہ ءَ 200درملکی نودربر آنی انداراج لائک ءِ توسیپی اِنت ءُُ اے شوبگ ءِ جوانیں کرد ءِ آدینک اِنت۔