کراچی۔ 4 نومبر (اے پی پی) بنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ پاکستان الیکٹرانک میڈیا ریگولیٹری اتھارٹی (پیمرا) ءَ را الیکٹرانک ءُُ پرنٹ میڈیا ءَ ابید سوشل ءُُ ڈیجیٹل میڈیا ءَ را ھم ریگولیٹ کنگ ءِ زمہ واری دیگ بیت۔ ھندی ہوٹل ءَ یک شمبے ءِ روچ ءَ ’’There is no truth only Narrartive ‘‘ءِ بن گپ ءِ پد ءَ برجم داشتگیں پینل ڈسکشن ءَ گپ ءُُ تران کنان ءَ آئی ءَ گوشت کہ بے سر ءُُ پادیں نیوز ءُُ دروگیں وت ساچ چیلنج اَنت۔ آئی ءَ گیش گوشت کہ اسلیں چیلنج سوشل میڈیا ءَ چہ آیگ ءَ انت چیا کہ سوشل میڈیا ویب سائٹس ءِ سر ءَ سک باز اکاؤنٹس اَنت۔ چوہدری فواد حسین ءَ گوشت کہ دویمروئی کنوکیں ملک ھما کہ سوشل میڈیا ءَ را کنڑول کن اَنت، آواناں پھمگ لوٹ ایت کہ ایشی ءِ سیمی دگنیا ءِ ملک آنی سر ءَ چے آسر بوھگ ءَ اَنت۔ آئی ءَ گوشت کہ انفارمیشن ءِ رد ءَ پاکستان ءَ سرجمیں آزاتی است ءُُُ مئے کرا سک باز مھکمیں میڈیا ءُُ آزاتیں آمید گس اَست۔ یک جستے ءِ پسو ءَ آئی ءَ گوشت کہ لٹ ءُُ لٹکاری کنوک آناں اِچ رنگیں لائسنس نہ بیت۔ آئی ءَ گوشت کہ پاکستان یک وت مستریں ملک اِت ءُُ ما ھما راج آں کہ ما وتی آسر ءَ وت رندآں۔
