بیجنگ۔ 03 نومبر (اے پی پی)مزن وزیر عمران خان ءَ گوں چین ءِ مزنیں بزنس گروپ آنی سروک آں شمبے ءَ بیجنگ ءَ گند ءُُ نند کت۔ گند ءُُ نند کنوکیں مردم آنی تہ ءَ چیئرمین چائنہ ریلویز کنسٹرکشنکارپوریشن (سی آر سی سی) چن پن جیان ،چیئرمین بنک آف چائنہ گروپ (بی او سی جی) چن شی سنک یانگ ،چیئرمین پاور چائنہ یانگ ڑو یانگ ،چیئرمین چائنہ رینبو انٹرنیشنل انویسٹمنٹ دا کین لائیک ،صدر ہوواوے مڈل ایسٹ ریجن چارلس یانگ ءُُ صدرچائنہ گیزوبا لیوشیانگ ھوار اتنت۔ اے موہ ءِ سر ءَ درئی کارانی وزیر شاہ محمود قریشی ،وزیر ءِ ھزانگ اسد عمر ،وزیر ریل گاڑی شیخ رشید احمد ،مزن وزیر ءِ مشیر عبدالرزاق داؤد ،وزیر پلاننگ مخدوم خسروبختیار ،وزیر برائے میری ٹائم علی زیدی ءُُ سر وزیر بلوچستان جام کمال خان،سیکرٹری خارجہ تہمینہ جنجوعہ، سفیر مسعود خالد ءُُ ایندگر کارندہ ھم ھوار ا تنت۔ کاروباری مردم آں مزن وزیر ءَ را مزن وزیر گچین بوھگ ءِ مبارکی دات۔ آئی ءَ گوشت کہ مزن وزیر ءِ سروکی ءَ پاکستان دیمروئی ءِ نوکیں کشک آنی تہ ءَ رھادگ بوتگ۔ آئی ءَ پاکستان ءَ ’’پن توان‘‘ ھاٹیگ ، بنیاتی کوکا ءِ دیمروئی ، انفارمیشن ٹیکنالوجی ءُُ ایندگر شوبگ ھاسیں رنگ ءَ سی پیک ءَ ھواریں منصوبگ آنی تہ ءَ چینی کمپنی آنی گوما کمک کنگ ءِ ھاترا دلوشی ءِ درشان کت۔ آواں پاکستان ءِ چاگردی گہبودی پڑ ءَ گیش سرمایہ کاری کنگ ءِ امیت درشان کت۔ مزن وزیر عمران خان ءَ پاکستان ءَ چینی کمپنی آنی تجارتی منصوبگ ھاسیں رنگ ءَ سی پیک ءَ ھواریں منصوبگ آناں ساڑات ءُُ چین ءِ کاروباری مردم آناں معاشی ءُُ چاگردی گہتری کار آنی بابت ءَ سرپد ھم کت۔
