اسلام آباد۔03 نومبر(اے پی پی)چین ءِ صدر شی جن پنگءَ گوشت کہ چین پاکستان ءِ گوما وتی تزویراتی شراکت داریءَ گیش مھکم کنگ ءُُ چین پاکستان اقتصادی راہداری منصوبگ (سی پیک) ءِ جوڈ کنگ ءِ کار ءَ گیش ترند کنگ ءِ ھاترا تیار انت۔ چائینہ ڈیلی ءِ رپورٹ ءِ ردا چین ءِ صدر ءَ اے ھیالانی درشان بیجنگ ءِ مستریں اُلسی ہال ءِ تہ پاکستان ءِ مزن وزیر عمران خان ءِ گوما گندءُُ نند کتگ۔آہاں دوئیں ملکانی وت مہ وتی سیادی ءُُ ھاسکر دوستی ءِ سرا روژنی مان کنان ءَ گوشت کہ پاک چین سیادی گوزوکیں وھد ءَ گوں گیش مھکم بوھگ انت ءُُ میاں اوستمانی ءُُ ھندی راھشون ءِ بدلی چہ ایشانی سرا ہچ اثر نہ بوھگ ات۔آہاں گوشت کہ پاک چین شراکت داری دوئیں ملکانی مہلوک ءِ ھاترا پائدگ مند انت بلکہ ایشی چہ دمگ ءِ تہ امن ،گہبودی ءُُ دیمروئی ءِ ودکی ءِ تہ کمک رسگ انت۔ چین ءِ صدر ءَ پاک چین سیادی ءِ ودکی ءِ ھوالہ عمران خان ءِ کوشستان ساڑاتگ۔آہاں گوشت کہ چین پاکستان ءَ را وتی سفارتی سیادی ءِ تہ ارژشت دیگ انتءُُ آں پاکستان ءِ رکھگ ،راجی وت واکی،آجوئی ءُُ دمگی تشخص ءَ را برجاہ دارگ ءِ ھاترا کار کنگ انت۔
