بیجنگ۔ 03 نومبر (اے پی پی) چین ءِ نائب دری کارانی وزیرکانگ ڑان ڑو ءَ گوشت کہ پاکستان ءُُ چین ءِ میان ءَ چین پاکستان اقتصادی راہداری منصوبگ ءَ را دیما برگ ءِ سرا تپاکی کنگ بوتگ وھدیکہ سرجم بیوکیں منصوبگ ءَ را فعال کنگ ءُُ برجاھیں منصوبگ ءَ را ترند کنگ ءِ سرا سدکی دیئگ بوتگ۔ھپتگ ءَ دوئیں ملکانی میان ءَ ڈل ءِ تبک ءَ گپ ءُُ تران ءُُ منوگرانی سرا دست چنگل ءِ ھوالہ ءَ گوں میڈیا ءَ را سرپدی دیان ءَ آہاں گوشت کہ دوئیں نیمگا چہ صنعتی کمک ءَ را پاکستان ءِ دگہ دمگانی تاں پراھ کنگ ءِ سرا ھم تپاکی کنگ بوتگ۔ سی پیکءِ منصوبگ ءَ کجام وڈ ءِ بدلی کنگ مہ بیت۔اگہ کجام رنگے بدلی کنگ بوتگ تو اے منصوبگ ءِ کساس ءَ ودکی بیت۔آہاں گوشت کہ دوئیں ملکانی میان ءَ سی پیک مشترکہ کمک کمیٹی ءِ ردا چاگردی ءُُ لیولی ہڈ ءِ معاملہاں ورکنگ گروپ ہڈ دیئگ ءِ پیسلہ کنگ بوتگ۔ایشی ءِ ھوار معیشت، بیئپار، سائنس وٹیکنالوجی ،ربیدگی مہاملہاں، وانگ ءُُ زانگ ءِ تک ءَ کمک گیش کنگ ءِ سرا تپاکی کنگ بوتگ۔آہاں گوشت کہ چین پاکستان ءَ را وتی تاگت ءِ ردا استیں جاورھال ءَ چہ درکنگ ءِ ھاترا کمک پھجارایت۔آہاں سرپد کت کہ گند ءُُ نند ءِ ساعت ءَ اے گپ ءِ سرا تپاکی کنگ بوتگ کہ چینی حکومت اژدری کمک ءُُ معاونت پھجارایت تنکہ پاکستان استیں اقتصادی جیڈھ ءُُ جنجال چہ درکنگ ءِ ھاترا ھاسیں گامگیج چست کت کن ایت۔اے باروا دوئیں ملکانی ہمگرنچیں واکدار گپ ءُُ تران کن انت۔نائب دری کارانی وزیر ءَ گوشت کہ مزن وزیر پاکستان ءِ تروتاب ءِ ساعت ءَ بوتگیں دراھیں سرگرمی آنی ءُُ منوگرمزن وزیر پاکستان ءِ چین ءِ تروتاب ءِ سوبمندی ءِ پدرائی انت۔آہاں گوشت کہ گند ءُُ نند ءِ ساعت ءَ چین ءِ نیمگا چہ پاکستان ءِ تہ سوبمندءِ برجم داری ءُُ حاکمی ءِ پرامنیں منتقلی ءِ سرا مراد باتی داتگ۔
