بیجنگ۔ 03 نومبر (اے پی پی) پاکستان ءُُ چین ءِ میان ءَ دو دیمی کمک ءِ 15منوگرانی سرا دست چنگل کنگ بوتگ ات۔ پاکستان چہ گریبی ءِ ھلاسی ءُُ دوئیں ملکانی لہتیں تک ءِ میان ءَ کمک ءِ منوگرھوار انت۔ھپتگ ءَ پاکستان ءُُ چین ءِ میان ءَ منوگرانی سرا دست چنگل کنگ ءِ ساعت ءَ مزن وزیر پاکستان عمران خان ءُُ چینی مزن وزیر لی کی کیانگ ھم ساڑی اتنت۔دوئیں ملکانی میان ءَ کشت ءُُ کشاری ءُُ اقتصادی تکنیکی کمک ءِ منوگرانی سرا دست چنگل کتگ ات۔ جنگلات، ارضیاتی سائنس، الیکٹرانک چیزانی تک ءِ تہ کمک ءِ ھاترا منوگرانی قولبند آنی سرا دست چنگل کتگ ات۔پاکستانی ڈل ءِ تہ دری کارانی بنجاہی وزیر شاہ محمود قریشی،ھزانگ وزیر اسد عمر ، وزیر ریلوے شیخ رشید احمد، وزیر منصوبہ بندی ءُُ دیمروئی خسرو بختیار، وزیر میری ٹائم سکیورٹی علی زیدی، سروزیر بلوچستان جام کمال ءُُ مزن وزیر ءِ صلاحکار برائے بیئپار عبدالرزاق داود وھدیکہ چینی ڈل ءِ تہ دری کارانی وزیر وانگ ڑی ءِ ھوار کابینہ ءِ لہتیں باسک ھوار ات۔
