اسلام آباد۔ 02نومبر (اے پی پی) بنجائی وزیر توانائی عمر ایوب خان پارینے کہ حکومت ہزارہ ڈویژن اٹی بجلی نا وولٹیج ءِ گچین جوڑ کننگ کن 17 ارب روپئی نا خڑچ آن چار پوسکن ءُ گریڈ اسٹیشن جوڑ کننگ نا منظوری ءِ تس وخت اس کہ خانپور روڈ ءِ پشاور جی ٹی روڈ اتون گنڈنگ کن 45کروڑ روپئی جاری کرینے، ڈٹ آ بھاز زوت کاریم بناکیک۔ جمعہ نادے پارلیمنٹ ہاؤس اٹی ’’اے پی پی‘‘ تون خصوصی ہیت وگپ کرسا بنجائی وزیر پارے کہ ہزارہ ڈویژن اٹی بجلی نا وولٹیج ءِ گچین جوڑ کننگ کن 17 ارب نا خڑچ آن پوسکن ءُ گریڈ اسٹیشن نا جوڑ کننگ نا منظوری ءِ تسنے ہرافتے ٹی ضلع مانسہرہ ٹی دربند نا ہند آ 132 کے وی نا گریڈاسٹیشن اسے نا منظوری ءِ تننگا ہراڑآ 50 کروڑ روپئی خڑچ بسنے۔ ہندا وڑ ضلع ہری پور اٹی سرائے صالح نا ہند آ 132 کے وی آ 50 کروڑ روپئی خڑچ بریک وخت اس کہ خانپور اٹی 132 کے وی نا گریڈ اسٹیشن نا جوڑ کننگ آ 50 کروڑ روپئی نا خڑچ بریک۔ 132 کے وی نا پوسکن ءُ گریڈ اسٹیشن اس ہم جوڑ کننگک ، داہرمسٹ آ گریڈ اسٹیشن تیا اسہ ارب 50 کروڑ روپئی خڑچ بریک وخت اس کہ حطار انڈسٹری ٹی 220 کے وی نا گریڈ اسٹیشن نا جوڑ کننگ نا منظوری ءِ تسنے ہراڑآ 8 ارب روپئی خڑچ بریک۔
