اسلام آباد۔ 02نومبر (اے پی پی) وزارت خارجہ 2013 ء آن پیشن نا ملک رہینگوک سیاسی و غیر پیشہ ور سفیر آتا فہرست ءِ قومی اسمبلی ٹی پیش کرے۔ سلہہ بند فوج پاکستان آن ریٹائرڈ 22 آفیسر داٹی اوار ءُ۔ جمعہ نادے قومی اسمبلی ءِ نوشتہی وڑاٹ وزارت خارجہ نا کنڈآن معلومدار کننگا کہ داوخت آ اومان ، طرابلس ، برونائی ، سراجیوو ، کولمبو، ابوجا، پورٹ لوئس، عمان، دمشق ، کیف، بندرسری بگاوان اٹی سلہہ بند فوج آن ریٹائرڈ آفیسر آک سفیر نا وڑاٹ تعینات ءُ وخت اس کہ سراجیوو، ریاض، کولمبو، عمان، مالے، طرابلس ، دمشق ، ابوجا، دوحہ و کیف اٹی کنٹریکٹ آ مسکوہی فوجی آفیسر آک سفیر نا وڑاٹ تعینات ءُ۔ وخت اس کہ سیاسی بنداو تیا امریکہ، کینیڈا، بحرین تون اوار کیہی ملک آتے ٹی سیاسی بنداو تیا سفیر تعینات ءُ۔ حکومت امریکہ ٹی علی جہانگیر صدیقی نا جاگہ غا ڈاکٹر اسد مجید خان ءِ پن کرینے۔
