پاکستان اٹی توانائی نا بشخ اٹی زرکاری نا بھلو وارخواہی اس ارے، بجلی نا ترسیل و بشخ وپانٹ نا نظام ءِ پوسکن آ وڑوڈول آتیا جوڑ کننگک، بنجائی وزیر پاور ڈویژن عمر ایوب خان

اسلام آباد۔ 01نومبر (اے پی پی) بنجائی وزیر پاور ڈویژن عمر ایوب خان پارینے کہ پاکستان اٹی توانائی نا بشخ اٹی زرکاری نا بھلو وارخواہی اس ساڑی ءِ۔ بجلی نا ترسیل و بشخ وپانٹ نا نظام ءِ پوسکن آ وڑوڈول آتیا جوڑ کننگک۔ اوداخیال آتا درشانی ءِ پاکستان اٹی فرانس نا بارٹے تون اوڑدہی ٹی کرے۔ اوپارے کہ پاکستان اٹی توانائی نا بشخ اٹی زرکارآک دوئی وارخواہی تیان بایدے فائدہ ہرفر۔ نن توانائی نا بشخ ءِ گچین جوڑ کننگ کن کوشست کننگ اُن۔ پاکستان تون شمسی توانائی، تہو و قابل تجدید توانائی آن بجلی ودی کننگ نا کچ بھاز زیات ءِ و بجلی نا بشخ ءِ گچین جوڑ کننگ کن توانائی نا چاہندار آتیا تالان اسہ ٹاسک فورس اس جوڑ کننگانے۔ زرکاری نا کسراٹی بروک آ اڑاند آتے مر کننگک وخت اس کہ پی پی آئی بی نا ویب سائٹ آ غٹ ڈٹ آتا سرجم آتے فراوان کننگک۔ داوخت آ فرانس نا سفیر ساڑی آ حکومت نا کنڈآن صاف و قابل تجدید توانائی آن فائدہ ہرفنگ کن کروک آ کوشست آتا ستاءِ کرے و پارے کہ فرانس نا چندی کمپنیک پاکستان اٹی بجلی نا بشخ اٹی زرکاری کن خواہندار ءُ ۔