ڈٹ آتیان پاکستان اٹی روزگار نا پوسکن ءُ وارخواہی ودی مسنے، چینی سفارت خانہ نا جاری دستاویز
اسلام آباد۔ 01 نومبر (اے پی پی) چین پاکستان اقتصادی راہداری (سی پیک) ڈٹ انا رداٹ 19 ارب ڈالر مالیت نا 10 ڈٹ آتے پورو کننگانے وخت اس کہ 12 ڈٹ پوروی نا آخیریکو مرحلہ غاتے ٹی ءُ، داڈٹ آتیان پاکستان اٹی روزگار نا پوسکن ءُ وارخواہی ودی مسنے۔ چینی سفارت خانہ نا کنڈآن جاری کروک دستاویز آتا رداٹ 50 میگاواٹ داؤد ونڈ پاور پروجیکٹ، 100 میگاواٹ پاکستان جھمپیر یو ای پی ونڈ پاور پروجیکٹ، 50 میگاواٹ سچل ونڈ پاور پروجیکٹ، 900 میگاواٹ سولر پروجیکٹ پنجاب، 1320 میگاواٹ پورٹ قاسم و 1320 میگاواٹ ساہیوال کول پاور پروجیکٹ نا ڈٹ آتے پورو کننگانے۔ دستاویز آتا رداٹ چائنہ پاکستان فرائنڈ اسکول فقیر کالونی راولپنڈی آن خنجراب اسکان آپٹیکل فائبر کیبل نا ڈٹ ءِ ہم پورو کننگانے۔
