اسلام آباد ۔ 31 اکتوبر (اے پی پی) مزن وزیرعمران خان ءَ اُلس ءَ گوں اپیل کت کہ آ سیاست ءِ چمکائینوکیں مردم آنی دست ءَ رد مہ کپ اَنت، اے مردم اسلام ءِ ازمت ءَ اِناں بلکینگ ءَ ووٹ بینک ءَ را گیش ودینگ ءِ واستہ الس ءَ را یک مشت کنگ ءَ اَنت، اے رنگیں مردم ریاست ءَ گوں دیم پہ دیمی مکن اَنت، ریاست الس ءِ جان ءُُ مال ءِ رکھینگ ءِ واستہ وتی زمہ واری آں پیلو کنت اِنت، پرشت ءُُ پروش کنگ نئیل آں ءُُ ناں کہ ٹریفک ءَ را دارگ کِلاں، حکومت ءَ را گامگیج چست کنگ ءَ مجبور مکن اِت۔ سپریم کورٹ ءِ جج صاحب آنی ھلاپ ءَ ھما رنگیں زبان کارمرد کنگ بوھگ ءَ اِنت ءُُ اے گوشگ اے پیسلہ ءَ پد کہ آ واجب القتل اِنت ءُُ اے ھم گوشگ کہ پاکستان ءِ آرمی چیف گیر مسلم اِت، اُرد ءِ جنرل ءَ را گوشگ بوھگ ءَ اِنت کہ آرمی چیف ءِ ھلاپ ءَ بگاوت بکن ات، اے ناقابل قبول ءُُ سک باز اپسوزی گپ انت، دروگ بندگ ءُُ مردم آناں ٹوک دیگ بوھگ ءَ انت ایشی ءَ چہ پاکستان ءِ دژمن آناں سیت رسگ ءَ اِنت۔ آئی ءَ اے ھیالانی درشانی چار شمبے ءِ شپ ءَ راج ءَ گوں گشتانک دیان ءَ کت۔ مزن وزیر ءَ آسیہ بی بی کیس ءَ مز ن آمید گس ءِ پیسلہ ءِ بابت ءَ وتی ھاسیں گشتانک ءِ تہ ءَ کت اَنت سپریم کورٹ ءِ اے پیسلہ اتکگ ءُُ اے پیسلہ ءِ سر ءَ لستیں مردم آں وت ءَ را پش داشتگ ءُُ اے پیسلہ ءِ بابت ءَ ناروائیں زبان کارمرد کتگ، اے وجہ ءَ آ الس ءَ گوں تران کنگ ءَ مجبور اِنت، عمران خان ءَ گوشت کہ پاکستان دُگنیا ءِ راجدپتر ءَ ایوکیں ملک اِنت کہ مدینہ ءِ ریاست ءَ پد اسلام ءِ نام ءِ سر ءَ جوڑ بوتگ۔ اسلام ءِ نام ءِ سسر ءَ جوڑ بوھگ ءِ مول ءُُ مراد پاکستان ءِ کانود قرآن ءُُ سنت ءِ ھلاپ جوڑ بوت نہ کنت ءُُ جج صاحب آں ھما پیسلہ کہ داتگ کانود ءِ رد ءَ انت ءُُ پاکستان ءِ کانود قرآں ءُُ سنت ءِ رد ءَ انت۔ آئی ءَ گوشت کہ لستیں مردم آنی نیمگ ءَ پاکستان ءِ سپریم کورٹ ءِ جج آنی ھلاپ ءَ ھما رنگیں زبان کارمرد کنگ ءُُ اے گوشگ کہ اے پیسلہ ءَ چہ پد آ واجب القتل اِنت ءُُ اے ھم گوشگ کہ پاکستان ءِ آرمی چیف گیر مسلم ات ءُُ اُرد ءِ جنرلز آناں گوشگ کہ آرمی چیف ءِ ھلاپ ءَ بغاوت بکن اِت، اے لائک ءِ قبولی گپ نہ انت، اے اپسوزی گال انت۔ مزن وزیر ءَ گوشت کہ پاکستان انشاء اللہ زوت یک ٹوھیں ملک ءِ جوڑ بیت گڈا مدینہ ءِ ریاست ءِ رپک آنی سر ءَ روت اِنت۔ آئی ءَ گوشت کہ منی ایمان ءِ بھر اِت کہ اسلامی گہبودی ریاست ھمے مول ءُُ مراد ءِ سر ءَ پاکستان جوڑ بوتگ۔ اگاں ما اے رنگیں ریاست ءِ جوڑ مکن آں گڈا پاکستان ءِ اِچ آیوکیں باندات نیست۔ آئی ءَ یات ءَ گیتک کہ وھد ءِ ہالینڈ ءِ پارلیمنٹ ءِ باسک ءَ مئے نبی ءِ شان ءِ ھلاپ ءَ گستاخی کتگ اَت ءُُ اکس جوڑ کتگ اَنت گڈا پاکستان مسلم دُگنیا ءِ تہ ءَ اولی ملک اَت کہ آئی ءَ اے بابت ءَ ہالینڈ ءِ حکومت ءُُ اسلام آباد ءَ ءَ ہالینڈ ءِ سفیر ءَ گوں شکاست درشان اِت۔ آئی ءِ وزیر ءِ درئی کار ءَ گوں گپ کت ءُُ اے اولی رند بوتگ آئی ءَ اے کارٹون واتر کنائینت۔ آئی ءَ گوشت کہ پاکستان ءَ اولی رند ءَ اے جیڈھ او آئی سی ءُُ اقوام ءِ متحدہ ءَ چست کت۔ ما دُگنیا ءَ گوں تران کنگ ءَ آں کہ ادا بیا اِت سرمایہ کاری بکن اِت، ایشی ءِ مو ل ءُُ مراد بیروزگاری ءُُ گریبی ءَ را کم کنگ اِنت۔ مزن وزیر ءَ جاک کنوک آں گوں دلگوشی کنان ءَ گوشت کہ اگاں آواں سپریم کورٹ ءِ پیسلہ دوست نہ بنت یا سپریم کورٹ آوانی گوشگ ءِ رد ءَ پیسلہ نہ کنت گڈا ایشی ءِ مکسد ایش مطلب ایش بیت کہ آ پیسلہ نہ من اَنت، آ ملک ءَ دار گ لوٹاں۔ اے رنگیں جاور آنی تہ ءَ ملک چوں چل ایت، ایشی ءِ تہ ءَ ملک ءِ نکسان اِنت، اے مردم سڑک آں بند کنگ ءَ اَنت، ھمک روچی مُزد گر چوں وتی زھگ آں بہ سڑ ین اَنت۔ لائپ ءَ چوں بکش آں۔ مزن وزیر الس ءَ را دلگوش کنان ءَ گوشت کہ اچ رنگ ءَ آ اے مردم آنی ٹوک ءُُ ٹالی آنی تہ ءَ ھوار مہ کپ اَنت، اے اچ رنگ ءَ اسلام ءِ کمک ءَ نہ کنگ ءَ اَنت، اے ملک دژمنی کنگ ءَ اَنت۔ اے رنگیں مردم آں گوں اپیل کنان کہ آ وتی سیاست ءِ چمکائینگ ءُُ ووٹ بینک ءِ واستہ ملک ءَ را نکسان مہ دینت۔ مزن وزیر ءَ اے رنگیں مردم آناں گوشت کہ اگاں شما مکن ءَ سرپد نہ بئے گڈا ریاست وتی زمہ واری ءَ پیلو کنت، مردم آنی جان ءُُ مال ءَ رکھینگ بیت، ٹریفک پچ کنگ بیت، ریاست ءَ را مجبور مکن اِت کہ آ ایکشن بکنت۔
