اسلام آباد۔31اکتوبر(اے پی پی ) مزن وزیر عمران خان ءَ گشتگ کہ ماہیگ ءِ پڑءَ ہوار کشتءُ کشاری ءِ درائیں پڑآں گیش کنگ حکومتءِ اولی دلگوشی ایں ، حکومت پہ ماہیگ کُش مردمانی آسراتی ءَ گامگیج چست کنگ تنکہ ایشیءَ چہ پاہدگ چست کنگ بہ بیت۔ آئیءَ اے گپ چارشمبے ءِ روچءَ ملک ءَ ماہی رودینگ ءَ ر ا گیش کنگءِ سرءَ شونشت دیئگی دیوانءِ سروکی کتگءُ گشتگ۔ مزن وزیر ءَ را ملک ءَ ماہیگ دارگءُ رودینگ ءِ انوگیں جاورھال ءُ اے پڑءَ استیں زانتءُ سرپدیءُ سرءَ سرجمیں شونشت دیئگ بوتگ۔ مزن وزیر ءَ را حال دیئگ بوتگ کہ گوستءَ اے پڑءَ ڈلگ چار کنگ بوتگ کہ ایشی ءَ سوبءَ ماہیگ گرگءِ پڑءَ ارباں کلدارکماہگءِ موہ چہ دست محروم بوتگ اَنت۔ شرمپ فارمنگ ، کیجءُ کلچر ءُ گلگت بلتستان ءُ آزاد کشمیر ءَ ٹراؤٹ فارمنگ ءِ گیش کنگءَ ملکی وردنی ضلورت پیلو بیت ءُ مردماناں کاروبارءِ موہ ہم رسیت۔
