پشین اٹی دہشت گردی نا ڈٹ ءِ بے سہب جوڑ کننگ و دہشت گردی نا ڈٹ بندی کروک آ عنصر آتا دزگیری و بھلو کچ اسے ٹی سلہہ و بارود دوئی کننگ آ ضلعی انتظامیہ ، لیویز و ایلو سیکورٹی ادارہ غاتا کارکڑد نا ستاءِ کرسا دہشت گردی نا کارروائی تے بے سہب جوڑ کننگ آ است جمی نا درشان، وزیراعلیٰ جام کمال خان

کوئٹہ۔ 31اکتوبر (اے پی پی) وزیراعلیٰ جام کمال خان پشین اٹی دہشت گردی نا ڈٹ ءِ بے سہب جوڑ کننگ و دہشت گردی نا ڈٹ بندی ءِ کروک آ عنصر آتا دزگیری و بھلو کچ اسے ٹی سلہہ و بارود دوئی کننگ آ ضلعی انتظامیہ ، لیویز و ایلو سیکورٹی ادارہ غاتا کارکڑد انا ستاءِ کرسا دہشت گردی نا کارروائی ءِ بے سہب جوڑ کننگ آ است جمی نا درشانی ءِ کرینے۔ وزیراعلیٰ پارے کہ کانود نافذ کروک آ ادارہ خاص وڑاٹ لیویز فورس جیرت و بہادری نا درشانی ءِ کرسا پشین شار ءِ اسہ بھلو بھس کاری سے آن بچیفینو ہراڑکن او مبارکباد نا حقدار ءُ۔ وزیراعلیٰ دا یخین نا درشانی ءِ کرے کہ سیکورٹی ادارہ غاک تینا کارکڑد ءِ برقرار تخسا دہشت گرد آتا برخلاف گچین کارروائی تے برجاتخرہ و پائیدار امن ءِ المی جوڑ کیرہ۔