اسلام آباد۔ 31اکتوبر (اے پی پی) بنجائی وزیر اطلاعات و نشریات چوہدری فواد حسین پارینے کہ سپریم کورٹ بڑزکو انگا عدالت ءِ، او انت کہ پرمان اس کیک اوڑآ عملدرآمد مریک، کنا بیان سپریم کورٹ نا بابت آخا بلکن بیوروکریسی نا گڑاس عنصر آتا رویہ نا بابت ئس، چیف جسٹس و سپریم کورٹ نا جج آتا اسہ شرف اسے، عدالت نا توہین نا سوج ہی ودی مفک ولے دا مننگ کہ بیوروکریسی بنجائی ، صوبائی حکومت ، وزیراعظم یا وزیراعلیٰ ءِ نزور یا انڈرمائن کیک او مننگ کپک، پالیسی وزیراعظم جوڑ کیک، اونا پالیسیک چلینگرہ و اونا رداٹ ملک چلینگک، آئین و کانود سپریم ءِ و اونا رداٹ معاملہ غاک مون آ کارہ، مولانا فضل الرحمان نا اے پی سی ہم بیکار پیش تمانے واو لگوک مرے بروک آ 15سال اٹی شاید اودے سرسہبی نا جاگہ اس اومیت اس نظر برے۔ داسہ تو حکومت سوگو ءِ، عمران خان آ خلقت نا پت ءِ، پی ٹی آئی نا حکومت خلقت تون کروک آ وعدہ غاتے پورو کیک۔ آئی جی اسلام آباد نا تبادلہ نا بابت بیان آ سپریم کورٹ اٹی پیشی آن پد میڈیا تون ہیت وگپ کرسا اوپارے کہ سپریم کورٹ بٹنگانے۔ سپریم کورٹ نا فیصلہ غاتیا پسند و ناپسند نا ہیت اف، سپریم کورٹ بڑزکو انگا عدالت ءِ، او انت کہ پرمان اس کیک اوڑا عملدرآمد مریک ، ہراریاست آک کانود نا رداٹ مریرہ ہموڑے سپریم کورٹ نا ادارہ بھاز اہمیت تخک۔ ہنداوڑ پارلیمنٹ نا ادارہ ہم بھاز اہمیت تخک و ہراوڑنا چیف جسٹس ریمارکس ترسا پارے کہ حکومت ءِ چلیفنگ گچین مروک آ حکومت نا ہی کاریم ءِ، چیف جسٹس نا مون آ ای دا مدعا ءِ تخانٹ کہ کنا بیان سپریم کورٹ نا بابت الوکہ بلکن کنا بیان بیوروکریسی نا گڑاس عنصر آتا رویہ نا بابت ئس، چیف جسٹس و سپریم کورٹ نا جج آتا اسہ شرف اسے انتئے کہ ای تینٹ اسہ وکیل اسے اُٹ ہنداخاطران کنا اسہ جندی ءُ شرف اسے، عدالت نا توہین نا تو سوج ہی ودی مفک ولے دا مننگ کہ بیوروکریسی بنجائی، صوبائی حکومت، وزیراعظم یا وزیراعلیٰ ءِ نزور یا انڈرمائن کیک، او ممکن مفک۔ اوپارے کہ پالیسی وزیراعظم جوڑ کیک و اونا پالیسیک چلینگرہ و اوفتا رداٹ ملک چلینگک۔ آئین و کانود سپریم ءِ و اونا رداٹ معاملہ غاک مون آ کارہ۔ آئین و کانود اٹی اختیار آتا بشخ وپانٹ ءِ، غٹ ءِ سماءِ کہ پارلیمنٹ نا انت اختیار اسے ، عدلیہ نا انت اختیار اسے و حکومت نا انت اختیار اسے۔ ہراڑے ہراڑے اختیار آتیان گدرینگ انگک ہموڑے ظاہر ءِ و کانود ءِ حق دوئی ءِ کہ او تینا عملداری ءِ کے۔ اعظم سواتی نا بابت اسہ سوج اسے نا ورندی ٹی اونا پاننگ ئس کہ چیف جسٹس صاحب ریکارڈ خواہسونے ، ہراتسکان ای اعظم سواتی ءِ چاوہ او بھاز معزر و شریف ءُ انسان اسے۔
