اسلام آباد۔ 31اکتوبر (اے پی پی) وزیر مملکت پارلیمانی امور علی محمد خان پارینے کہ فاٹا و آزاد کشمیر نا چندی علاقہ غاتے ٹی موبائل نیٹ ورک ءِ ودفنگک، فاٹا نا خیبر پختونخوا ٹی ضم کننگ نا عمل برجاءِ۔ چارشنبے نادے قومی اسمبلی ٹی وقفہ سوج آتے ٹی مولانا عبدالاکبر چترالی، قیصراشیخ، خرم دستگیر ، محسن داوڑ، علی وزیر نا سوج آتا ورندی ٹی وزیر پارلیمانی امور علی محمد خان پارے کہ پاکستان ٹیلی ویژن کمیونیکیشن آب اٹو سروس کیو او ایس نا سروے نا کمک اٹ سیلولر آپریٹر نا کارکڑد نا چاروکی ءِ کیک۔ کال کاٹ مننگ نا ٹیکسیشن نا ہچ ءُ تعلق اس اف۔ دا قدرتی ءُ عمل اسے دانا تعلق نیٹ ورک تون ءِ۔ دُن انگا واقعہ غاک مر مر انگا علاقہ غاتے ٹی مون آ بریرہ ولے کال منقطع مننگ نا واقعہ غاتا کچ بے کچ کم ءِ ولے دا بابت گچینی کن گام گیج کننگ اُن۔ فاٹاٹی حالیت آک معمول آ بسنو۔ فاٹا نا خیبر پختونخوا نا ضم کننگ نا عمل برجاءِ۔ فاٹا و کشمیر نا چندی علاقہ غاتے ٹی سیلولر نیٹ ورک ءِ ودفنگک۔ وزیر پارلیمانی امور علی محمد خان پارے کہ آئین پاکستان نا رداٹ ملک انا دفاعی ادارہ غاتیا ہیت کننگ مفک۔
