اسلام آباد۔ 31اکتوبر (اے پی پی) وزیر مملکت موسمیاتی بدلی زرتاج گل پارینے کہ شجر کاری مہم اٹی غٹ صوبہ غاک تینا وسیلہ غاتے کاریم اٹ اتیرہ ، کلین و گرین پاکستان و شجرکاری مہم وزیراعظم عمران خان نا وژن نا عکاس ءِ۔ چارشنبے نادے قومی اسمبلی ٹی وقفہ سوج آتے ٹی چوہدری محمد برجیس طاہر ، محمد معین ، رانا تنویر نا سوج آتا ورندی ٹی وزیر مملکت موسمیاتی بدلی زرتاج گل پارے کہ اِرا ستمبر 2018 ء آ وزیراعظم پاکستان نا کنڈآن بناکروک آ شجر کاری یوم پاکستان اٹی کل 2.48 ملین نیال خلنگا۔ بنجائی حکومت ملک اٹی مہم ءِ چلیفنگ کن بین الصوبائی رابطہ کرے، تعلقدار صوبہ و علاقائی مہم اٹی بشخ ہلنگ کن تینا وسیلہ غاتے کاریم اٹ اتیرہ۔ الس و ادارہ غاک تینا وسیلہ غاتے اٹ نیال خلکر و اوفک تینٹ اوفتا خیالداری ءِ کننگ ءُ۔ کلین اینڈ گرین پاکستان و شجر کاری مہم وزیراعظم عمران خان نا وژن نا عکاس ءِ۔

متعلقہ مضامینمصنف کی طرف سے مزید