استنبول۔ 30 اکتوبر (اے پی پی) صدر مملکت عارف علوی ءُُ ترک صدر رجب طیب اردوان ءَ توامیں شوبگ آنی تہ ءَ دو نیمگی یکوئی آناں گیش جھلانک کنگ ءِ واستہ دوئیں براتیں ملک آنی نیام ءَ وت مہ وتی یکوئی آناں گیش دیمروئی دیگ ءِ سر ءَ تپاک کت۔ اے تپاک سئے شمبے ءَ ادا دوئیں سروک آں دو پہ دوئی گند ءُُ نند ءِ ساھت ءَ کت اَنت۔ صدر ڈاکٹر عارف علوی ترک صدر رجب طیب اردوان ءِ داتگیں دعوت ءِ پد ءَ استنبول ءِ گرینڈ انٹرنیشنل ایئرپورٹ ءِ بنگیج ءِ واستہ ترکی ءِ تر ءُُ تاب ءَ انت۔ اے موہ ءِ سر ءَ ترک صدر ءَ ڈاکٹر عارف علوی ءَ را صدارتی سیٹ ءِ گرگ ءِ پد ءَ مبارک بات دات۔ آئی ءَ اُمیت درشان کت کہ پاکستان ءِ نوکیں سروکی ءِ چیر دستی ءَ دوئیں براتیں ملک آنی نیام ءَ وت مہ وتی ءُُ یکوئی گیش شاھیگان ءُُ مھکم بنت۔ صدر عارف علوی ءَ دو نیمگی آزاتیں تجارتی منوگری آناں زوت پکو کنگ ءُُ دو نیمگی تجارت آناں گیش کنگ ءِ سر ءَ زور پر دات۔
