اسلام آباد ۔ 30 اکتوبر (اے پی پی)مزن وزیر عمران خان ءَ گوشت کہ حکومت چاگرد ءِ بے سہارا،نادار ءُُ گریبان فٹ پاتھ آنی سرا شپ گوازینگ ءِ سرا مجبور گریب ترین طبقہ ءَ را پناہ گاہ دیگ ءِ منصوبگ ءِ سرا کار کنگ انت۔اے درگت ءَ اولی منصوبگ لاہور ءِ تہ سرکاری اراضی ءِ سرا مسافرانی ھاترا 5شیلٹر جوڈ کنگ انت۔صاحب ثروت مردمانی نیمگا چہ اے وڈیں منصوبگ ءِ بنگیجی کراچی ءِ تہ ھم کنگ بیت۔آہاں اے گپ سئے شمبے ءَ ورلڈ میمن آرگنائیزیشن ءِ ڈلے گوما گند ءُُ نند تہ کتگ۔مزن وزیر ءَ حکومت ءِ نیمگا چہ اُلسی فلاح ءُُ بہبود ءِ سلسلہ ءِ تہ چست کتگیں گامگیج ءِ سرا گپ ءُُ تران کنان ءَ گوشت کہ بے سہاراءُُ گریب ءُُ ھاسکر ہمہ مردم کہ آں فٹ پاتھ ءِ سرا شپ گوازینگ انت حکومت ایشانی ھاترا شیلٹر پھجارگ انت۔اے درگت ءَ اولی منصوبگ لاہور ءِ تہ حکومتی زمین ءِ سرا مسافرانی ھاترا پنچ شیلٹر جوڈ کنگی انت۔اُودا مسافرءُُ نادارانی عارضی چھت ءِ ھوار دو وھد ءِ نان ءِ آسراتی ھم پھجارگ بیت
