اسلام آباد ۔ 30 اکتوبر (اے پی پی) ھزانگ وزیر اسد عمر ءَ گوشت کہ حکومت برآمدات ءِ ودکی ءُُ ڈنی حسارہ ءِ سرا گرودار کنان ءَ ملکی معیشتءَ را وتی پاد ءَ اوشتانگ لوٹگ انت‘گوستگیں روچ ءِ تہ پاکستان اسٹاک ایکسچینج ءِ تہ 5ہزار پوائنٹس ءِ گیشی بوتگ‘مہ کشکول ءَ پروش درملکی وامانی سرا انحصار کم کنگ لوٹگ انت‘ امیت انت کہ اپوزیشن معاشی جیڈھ ءِ ھاترا سنجیدگ حل ءِ صلاح پیش کن ایت۔سئے شمبے ءَ بنجاہی اسمبلی ءِ تہ پاکستان ءِ اَستیں اقتصادی جاورھال ءِ سرا جنز ءِ سرا باست ءِ ساعت ءَ ھیالانی درشان کنان ءَ ھزانگ وزیر اسد عمر ءَ گوشت کہ پاکستان مسلم لیگ (ن) ءِ باسک سرپد انت کہ آہاں معیشت کجام جاور ءَ یلہ داتگ ات‘ڈنی ھسارہ چہ معیشت باز اثرمند بوتگ‘ بیئپاری ھسارہ 17ارب ڈالر ات۔گوستگیں 35ارب ڈالر ءِ تاں سر بوتگ۔کرنٹ اکاؤنٹ ھسارہ گوستگیں سال 18ارب ڈالر ءِ تاں سر بوتگ ات وھدیکہ ایوک سئے ماہ مئی جون ءُُ جولائی ءِ تہ مچ ھسارہ 12ارب ڈالر بوتگ پرچا کہ یک سال ءِ ھسارہ یک ماہ ءِ تہ بوھگ ات اے سبب ءَ حکومت میاں اوستمانی وام زورگ ات۔آہاں گوشت کہ حکومت ءِ نیمگا چہ زرتگیں وامانی آسرءَ 2017ءِ تہ کلدار ءِ شرپ ءَ کمی آھگ بنا بوتگ۔سٹیٹ بنک ءَ پالیسی ریٹ گیش کنان ءَ ھسارہ ءِ سرا گرودار ءِ کوشست کتگءُُ کلدار ءِ شرپ جہل بوتگ۔گوستگیں دوسال ءِ ساعت ءَ 1200ارب کلدار ءِ نوٹ چھاپ کنگ بوتگ ات۔ایشی ءَ چہ پیسر ءَ پاکستان ءِ راج دپتر ءَ درستاں چہ گیش 600ارب ءِ نوٹ چھاپ کنگ بوتگ ات۔بیل آؤٹ پیکجءِ ابید معیشت اے بحران چہ در مہ بوت کنت۔مہ بیل آوٹ پیکج ءِ ھاترا آئی ایم ایف ءُُ دوست ملکاں گوں گپ ءُُ تران بناکتگ۔مہ دوست ملکانی دیما وتی گہترکاری ءِ ایجنڈہ ءَ را پیش کتگ۔مزن وزیر عمران خان ءِ سروکی ءَ دری کارانی وزیر شاہ محمود قریشی ءِ گوما سرجم گپ ءُُ تران بوتگ۔ دوست ملکان اعتماد ءِ تہ آرگ ءِ پدا آئی ایم ایف ءِ گوما رسمی مراگش ءِ ھاترا رابطہ کتگ۔ سعودی عربءِ تروتاب ءِ ساعت ءَ اے ھوالہ چہ سئے ارب ڈالر اسٹیٹ بنک ءِ تہ ایر کنگ ءِ یاتگیری ءِ سرا دست چنگل کتگ انت۔سئے سال ءِ ھاترا 9ارب ڈالر ءِ تیل دیگ ءِ منوگر ءِ سرا ھم دست چنگل جتگ ات۔
