اسلام آباد۔ 30اکتوبر (اے پی پی) وزیر مملکت داخلہ شہریارآفریدی پارینے کہ پاکستان نا پولیس ءِ نئے بیرہ ڈیہہ بلکن دنیا نا گچین ءُ پولیس اس جوڑ کننگک، پولیس الس نا عزت ءِ کیک تو اونا عزت مریک، تینا الس ءِ عزت تفروک آتا دنیا ٹی ہچ گہس عزت ءِ کپک، پی ٹی آئی کے پی کے ٹی مثالی ءُ پولیس اصلاحات کرے و پولیس ءِ سیاسی نیام تمنگ آن پاک کرے۔ سے شنبے نادے داڑے نیشنل پولیس اکیڈمی ٹی 44می سپیشلائزڈٹریننگ پروگرام نا رداٹ 29 اے ایس پی تا پاسنگ آؤٹ دود آن تران کرسا اوپارے کہ کانود نافذ کروک آ ادارہ غاتا کڑد راج اٹی بے کچ اہمیت تخک۔ ڈوہ بھازایڈوانس مسنے و ڈوہدار آتا چٹفنگ کن پوسکن ءُ وڑوڈول کاریم اٹ اتنگ اُن۔ پولیس ءِ ہم پوسکن آ ٹیکنالوجی آن فائدہ ہرفنگ و تینے پوسکن آ گرج آتیان ہم گرنچ کننگ نا گرج ءِ۔
