اسلام آباد۔ 30اکتوبر (اے پی پی) لاہور آن کاشغر اسکان پاک چین بس سروس 3نومبر آن بناکیک، داسروس اسہ نجی ءُ ٹرانسپورٹ کمپنی اسے نا کنڈآن بناکننگ انگ ءِ بس انا اسہ کنڈ انا کرایہ 13ہزار وخت اس کہ پدی ٹکٹ اتون اوار 23ہزار روپئی مریک۔ دا بس قطبی پاکستان نا کسر آن 30گھنٹہ ٹی کاشغر آ سرمریک۔ کمپنی نا چیف ایگزیکٹو آفیسر محمد انور نا رداٹ دا بس سروس پاکستان و چین نا نیام اٹ دوستانہ تعلقداری تے زیات کیک۔ داسروس آن ہندی بندغ آتے روزگار نا وارخواہی دوبننگ کیک۔ اوپارے کہ بس سروس اٹی مسافر آتا رکھ اکن اودیم کیمرہ و سیکورٹی نا خصوصی بست و بند کننگانے۔ اوپارے کہ بس سروس لاہور آن کاشغر اسکان ہفتہ ٹی چار دے انا شیڈول ءِ جاری کننگانے ہرانا رداٹ لاہور آن روانگی ہفتہ، یک شنبے ، دوشنبے و سے شنبے ءِ وخت اس کہ کاشغر آن روانگی سے شنبے، چارشنبے ، پنچ شنبے و جمعہ غا مریک۔
