اسلام آباد۔29اکتوبر(اے پی پی) دیمپانی ءِ بنجاہی وزیر پرویز خٹک ءَ گوں برطانوی ہائی کمشنر تھامس ڈریو ءَ راولپنڈی ءَ گندءُ نندکتگ۔ گندءُ نندءَ بنجاہی وزیر ءَ گشتگ کہ پاکستان برطانیہ ءَ گوں سیادی ءَ را خطہ ءَ ہاس اوگانستان ءُ ہمسائگ ملک اَں گوں امنءُ ایمنی ءُ مھکمیں سلامتی ءَ را سک باز ارزشت دنت۔ برطانوی ہائی کمشنر ءُ بنجاہی وزیر ءَ دوئیں ملک آنی نیامءَ خطہ ءَ امنءُ ایمنی ءُ سلامتی ءَ کتگیں کوشستانی سرءَ سدکی ءِ درشانی کتگءُ پاکستان ءُ برطانیہءِ نیامءَ دیمپانی ءُ سیکیورٹی ءِ کارانی سرءَ کمک ءَ را گیش کنگءِ سرءَ زور پِرداتگ۔
