گوادر/اسلام آباد۔ 29 اکتوبر (اے پی پی) ادارُکی صدر محمد صادق سنجرانی ءَ گوشت کہ گوادر دمگ، پڑ ءِ ایندگر ھند آنی نیام ءَ یک ٹوھیں آبی ءُُ زمینی کشک ءِ جوڑ بوھگ ءَ اِنت ایش جتا جتائیں ملک آنی معشیت ءِ واستہ تجارتی ءُُ اقتصادی موہ پیداک کنت۔ آئی ءَ اے ھیالانی درشانی دو شمبے ءَ گوادر ءَ برجم بوھوکیں ایشیائی پارلیمانی اسمبلی ءِ قائمہ کمیٹی برائے سیاسی کار ءُُ ایشیائی پارلیمان ءِ ھاسیں کمیٹی ءِ دیوان ءِ ھاسیں مہمان ءِ بستار ءَ گشتانک دیان ءَ کت اَنت۔ میاں اوستمانی دیوانءَ 23ملک آنی 88’’مندوبین‘‘ ءُُ ھواریں پارلیمانی یونین ءِ سیکرٹری جنرل ھوار اتنت۔ آئی ءَ گوشت کہ ایشیائی پارلیمانی نماھندگ آ نی اے فورم پڑ ءَ شریکداری ءِ دیمروئی ، ایمنی ، جمہوریت، برجائی ءِ واستہ کوشست کنگ ءَ انت ءُُ اے فورم ءِ بدولت ءَ جوانیں سیاست ءِ دیمروئی گامگیج ءُُ نوکیں ٹیکنالوجی ءَ گیش کمک رسیت۔ پاکستان ایشیا پڑ ءُُ میاں اوستمانی تک ءَ اے ایجنڈا ءِ وسیلگ ءَ جیڈھ آں گیوار ءُُ وشھالی ءِ واستہ کتگیں کوشست آناں من ایت۔ آئی ءَ گوشت کہ ایشیائی پڑ ءِ استیں سیاسی مٹ ءُُ بدلی ءُُ جاور اے گپ ءِ درور اَنت کہ ایمنی ءُُ دیمروئی ءِ واستہ یکجائی ءَ کار کنگ بہ بیت ءُُ جیڈھ آنی گیواری ایمنی ءَ گپ ءُُ تران ءِ سر ءَ کنگ بہ بیت۔ صادق سنجرانی ءَ گوشت کہ بُنجاھ ءِ برجائی ءِ واستہ بُنجاھی ءُُ صوبائی کمک ءَ را گیش ودینگ مئے دلگوشی اِنت۔ آئی ءَ گوشت کہ بلوچستان ھُداوندی مڈی ءَ چہ پُر اِنت ءُُ اقتصادی دیمروئی ءِ ازم ءِ بوھگ ءَ ابید گوستگیں دور ءُُ باریگ ءَ دیمروئی ءِ دزگیر کنگ ءَ پد جہد ءُُ کوشست کنگ ءَ بوتگ چوکہ اے صوبگ ایوک ءَ پاکستان ناں بلکینگ ءَ سرجمیں پڑ ءِ کسمت ءَ مٹ کت کنت۔
